Dmitry Peskov.
Bakı/30.09.21/Turan: Rusiya prezidentinin mətbuat katibi Dmitri Peskov sentyabrın 29-da Soçidə Rusiya və Türkiyə prezidentlərinin danışıqlarının bəzi təfərrüatlarını jurnalistlərə açıqlayıb.
Prezidentlər Əfqanıstan, Liviya və Suriyanı ətraflı müzakirə ediblər. "Orada hələ də mövcud olan və Suriya ordusuna təhlükə törədə biləcək terrorçu ünsürlərin İdlibdən çıxarılmasının vacibliyi vurğulanıb", - Peskov deyib.
Dağlıq Qarabağda nizamlanma mövzusuna da toxunulub. "Rusiya tərəfindən vurğulanıb ki, tərəflər sərhədlərin delimitasiyası və nəqliyyat infrastrukturunun inkişafı ilə bağlı kompromis həlli axtarmalıdırlar",- Peskov qeyd edib.
Həmçinin hərbi-texniki məsələlər üzrə əməkdaşlığın davam etdirilməsi imkanları, əsasən C-400-lərin bəzi komponentlərinin Türkiyədə istehsalı müzakirə olunub.
Öz növbəsində, Türkiyə prezidenti Soçidən Ankaraya gedərkən jurnalistlərə deyib ki, Putinin diqqətini Moskvada YPG (PKK-nın Suriya qanadı) terrorçularının ofisinin olmasına yönəldib. O həmçinin qeyd edib ki, Suriyanın bir sıra rayonlarında PKK /YPG terrorçularının mövcudluğunun dayandırılmasına dair razılaşma yerinə yetirilməlidir.
Ərdoğan sualtı qayıqların inşası məsələsində Rusiya ilə mümkün əməkdaşlığı, həmçinin kosmonavtika sahəsində əməkdaşlıq perspektivlərini qeyd edib.02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz