Peskovun Qarabağda “İsgəndər”lərdən istifadə edilməsi ilə bağlı dedikləri

Moskva/02.04.21/Turan: Dağlıq Qarabağda vəziyyət gərginləşdiyi zaman “İsgəndər” raket komplekslərindən istifadə edilməyib və bu, təsdiq edilib, bu barədə Rusiya prezidentinin mətbuat katibi Dmitri Peskov bildirib.

“Yox, başa düşdüyüm qədərilə, bu, yeni məlumatdır. Mən bilmirəm, bu, hərbiçilər vasitəsiləmi məruzə edilib, bizim hərbiçilərin bu barədə hər hansı ətraflı məlumatı varmı. Bu, əlbəttə ki, daha çox onların səlahiyyətinə aiddir”, deyə Peskov prezidentin Azərbaycan tərəfin Qarabağ münaqişə zonasında Rusiya istehsalı olan “İsgəndər” raketlərinin qəlpələrinin aşkar edilməsi haqqında məlumatından xəbəri olub-olmaması barədə suala cavabda bildirib.

Münaqişə zamanı “İsgəndər” raketlərindən istifadə olunub? Bu dəqiqləşdirici suala Peskov belə cavab verib: “”İsgəndər”lərlə bağlı məsələni xatırlayırsınız, ki, münaqişə zamanı onlardan istifadə olunmayıb. Bu, təsdiq edilib”, deyə RİA-Novosti agentliyi məlumat yayıb. -02D-