Pol Qobl: “Brüssel görüşü kiçik addım oldu”

Bakı/08.04.22/Turan: Aprelin 6-da Brüsseldə Azərbaycan prezidenti İlham Əliyev və Ermənistanın baş naziri Nikol Paşinyanın görüşü olub. Görüş Avropa İttifaqı Şurasının prezidenti Şarl Mişelin təşkilatçılığı ilə baş tutub.

Tanınmış amerikalı politoloq Pol Qobl görüşün yekunlarını Turan agentliyinə şərh edərkən onları mütəvazi adlandırıb.

"Bu, irəliyə doğru kiçik addım idi, çünki əslində Bakının istədiyi sənədi hazırlamaq öhdəliyi var. Qarabağ və Laçın dəhlizinə dair razılıq əldə olunmayana qədər sərhədlərin delimitasiyası başa çatdırıla bilməz", - o hesab edir.

Yekun bəyanatda adı çəkilməyən Dağlıq Qarabağ məsələsinə gəlincə, ekspert deyib: “Qarabağ və Laçının adlarının çəkilməməsi tərəflərin onları müzakirə və sonra qərar qəbulu üçün mötərizədən çıxarmağa çalışdığına açıq işarədir, lakin bu məsələlər üzrə razılaşma olmadıqda, digərləri üzrə razılaşmaq çətin, hətta mümkünsüz olacaq”. -16-