Prezident İlham Əliyev.
Prezident İlham Əliyev: “Azərbaycan Rusiyadan suala cavab gözləyir: Ermənistan "İsgəndər-M" raketlərini haradan alıb”
Bakı/13.04.21/Turan: Azərbaycan Şuşa şəhərinin "İsgəndər-M" raketləri ilə atəşə tutulması barədə Rusiya Federasiyasını rəsmən məlumatlandırıb və sübutları təqdim edib. Ancaq buna cavab almayıb. Bu barədə ölkə prezidenti İlham Əliyev çərşənbə axşamı "Cənubi Qafqaza yeni baxış: postmünaqişə dövründə inkişaf və əməkdaşlıq" mövzusunda konfransda bildirib.
"Aprelin 1-də Rusiya prezidenti Putinlə telefon danışığımda mən bu məsələni qaldırdım. Biz bunu müzakirə etdik, baxmayaraq ki, rəsmi məlumatda bu göstərilməmişdi.
Aprelin 4-də Azərbaycan Müdafiə Nazirliyi "İsgəndər-M"-in tətbiq edilməsilə bağlı foto, video və digər sübutların olduğu rəsmi məktub göndərib, lakin indiyədək heç bir cavab yoxdur", - Azərbaycan prezidenti bildirib.
"Bu, prinsipial məsələdir və Azərbaycan həm Rusiyadan, həm də Ermənistandan buna cavab almalıdır. Bu, sadəcə, hər hansı bir raket deyil. Eyni zamanda, biz təxminən bilirik ki, bu raketləri haradan və kim, həm də nə qədər atıb. Ancaq rəsmi cavab gözləyirik", - İlham Əliyev qeyd edib.
Xatırladaq ki, martın 31-də Azərbaycan Ərazilərinin Minalardan Təmizlənməsi üzrə Milli Agentlik bildirib ki, martın 15-də qurumun mütəxəssisləri Şuşa şəhərinin kənarında "İskəndər-M" raketlərinin fraqmentlərini aşkar ediblər. Dağıntıların üzərindəki markalanma göstərir ki, bu, Rusiyanın Ermənistana rəsmi olaraq göndərmədiyi "İsgəndər-M" raketidir və bu raketlər yalnız Rusiya Silahlı Qüvvələrinin silahlanmasındadır.
Qeyd edək ki, "İsgəndər-M" orta mənzilli operativ -taktiki raketlər tipinə aiddir. 1987-ci il tarixli Sovet-Amerika razılaşmasına əsasən onların istifadəsi qadağan edilib.
Azərbaycanlı ekspertlər hesab edirlər ki, Şuşaya zərbə hərbi əməliyyatların son günlərində – 9-10 noyabr 2020-ci il tarixində şəhər Azərbaycan Silahlı Qüvvələrinin nəzarətinə keçdikdən sonra endirilib.-06D-
-
- İqtisadiyyat
- 13 Aprel 2021 12:33
Siyasət
-
Mayın 15-də Azərbaycan Xalq Cəbhəsi Partiyasının fəalı Elxan Əliyev Umbaki təcridxanasıda quru aclıq aksiyası elan edib.
-
Mayın 16-da Avropa İnsan Haqları Məhkəməsi Azərbaycanla bağlı 3 yeni qərar və qərardadını elan edib.
-
Bu gün Gəncə Apellyasiya Məhkəməsində demokratik.az saytının rəhbəri Osman Nərimanoğlunun (Rzayev) 6,5 il müddətinə azadlıqdan məhrum edilməsi haqqında hökmdən verilmiş şikayətə baxılması başa çatıb.
-
Ədliyyə Nazirliyinin Baş Tibb İdarəsi Ələsgər Məmmədlidən aprelin 26-da götürülən təhlilin nəticələri haqqında məlumat verib.
Rəy yaz