Prezident İlham Əliyev: �Azərbaycanda milli, dini zəmində problem yoxdur�
Bakı/21.12.17/Turan:"Azərbaycan sivilizasiyalar arasında həmişə müsbət rol oynayıb və Asiya ilə Avropa arasında həm coğrafi, həm mədəni, həm də bu gün siyasi baxımdan bir körpü rolunu oynayır", - prezident İlham Əliyev "2017 - İslam Həmrəyliyi İli: Dinlər və mədəniyyətlərarası dialoq" mövzusunda keçirilən beynəlxalq konfransdakı çıxışında deyib.
İ.Əliyev Azərbaycanda dini, milli zəmində heç bir problemin olmadığını bildirib. Ona görə də məhz dinlərarası dialoq işində Azərbaycanın fəal olması təbiidir: "Biz istəyirik ki, həm müsəlman aləmində, həm Avropada, ümumiyyətlə, dünyada dinlərarası dialoq güclənsin. Əfsuslar olsun ki, son vaxtlar biz tam əks mənzərə ilə üzləşirik".
İ.Əliyev bu mənada dünyada dözümsüzlüyün, islamofobiya, ksenofobiya, antisemitizmin artdığını vurğulayıb.
Dövlət başçısı ölkənin iqtisadi durumuna da münasibətini ifadə edib və son 14 ildə Azərbaycanı ən sürətlə inkişaf edən ölkə adlandırıb: "İqtisadiyyatımız, ümumi daxili məhsul 3 dəfədən çox artıb, işsizlik və yoxsulluq 5 faiz səviyyəsindədir. Son 14 ildə üç mindən çox məktəb, 600-dən çox tibb müəssisəsi tikilib və ya təmir edilib, 12 min kilometr yol inşa olunub".
İ. Əliyev hazırda reallaşmaqda olan, 40 milyard dollar dəyərində "Cənub" qaz dəhlizi layihəsinin ölkənin uzunmüddətli uğurlu, dayanıqlı inkişafını təmin edəcəyini bəyan edib.
Dövlət başçısı Bakı-Tbilisi-Qars, dəmir yolunun işə salındığını, hazırda "Şimal-Cənub" nəqliyyat dəhlizi üzərində iş getdiyini söyləyib.
Dövlət başçısı hazırda dünyada gedən proseslərin Azərbaycanın mövqeyini gücləndirdiyini bildirib.
Qarabağ probleminə toxunan dövlət İ.Əliyev Azərbaycanın aqressiv sepratizmlə üzbəüz qaldığını söyləyib və problemin həllinə nikbin baxışını ifadə edib: "Mən tam əminəm ki, Azərbaycan öz ərazi bütövlüyünü bərpa edəcək. Bunun üçün bütün imkanlar var və son hadisələr - keçən ilin hadisələri bunu bir daha göstərir. Ölkəmizin ərazi bütövlüyü bütün başqa ölkələrin ərazi bütövlüyü qədər qiymətlidir və dəyərlidir".
Dövlət başçısı çıxışında Xocalı faciəsini xüsusi vurğulayıb, erməni hərbi birləşmələrinin işğal etdikləri əraziləri tərk etmələri üçün BMT Təhlükəsizlik Şurasının 4 qətnaməsi olsa da yerinə yetirilmədiyini nəzərə çatdırıb.
İ.Əliyev multikulturalizm ənənələrinə toxunaraq deyib ki, multikulturalizmə alternativ yoxdur və bu dəyərləri qorumağı, hər bir ölkə üçün adi hala çevrməyi vacib məsələ adlandırıb.
İ.Əliyev beynəlxalq qurumlarla əlaqələr barədə danışaraq Azərbaycanın həm İslam Əməkdaşlıq Təşkilatı, həm də Avropa İttifaqı ilə münasibətlərə malik olduğunu, İttifaqın 9 ölkəsi ilə strateji tərəfdaşlıq sənədi imzaladığını bildirib.
"Bizim uğurlu inkişafımız göstərir ki, dinlərarası, millətlərarası münasibətlər lazımi səviyyədə olanda inkişaf da, sabitlik də olur və bütün Azərbaycan vətəndaşları gələcəyə də nikbinliklə baxırlar", - o vurğulayıb.-05D-
Siyasət
-
Azərbaycan prezidentinin köməkçisi Hikmət Hacıyev mayın 17-də Ağ Evdə ABŞ prezidentinin milli təhlükəsizlik üzrə müşaviri Ceyk Sallivanla görüşüb.
-
13 saylı cəzaçəkmə müəssisəsində həbs cəzası çəkən Azərbaycan Beynəlxalq Bankının (ABB) keçmiş sədri Cahangir Hacıyevin səhhəti pisləşib. Lakin ona ixtisaslaşmış tibbi yardım göstərilmir, bu barədə Turan-a mayın 17-də Hacıyevlə görüşən vəkil Fəxrəddin Mehdiyev bildirib.
-
Almaniya Parlamentinin”İşıqfor” Koalisiyasının üzvləri, insan haqları siyasətçiləri Renata Alt (FDP), Boris Miyatoviç (Yaşıllar) və Frank Şvabe (SDP) Azərbaycanda Qubad İbadoğlunun və digər siyasi məhbusların azad edilməsinə dair açıqlama yayıblar.
-
Mayın 17-də ictimai fəal və hüquq müdafiəçisi Bəxtiyar Hacıyevin işi üzrə məhkəmə prosesində zərərçəkən məhkəmə məmuru Orxan Abdullayevin ifadələri dinlənilib.
Rəy yaz