Prezident İlham Əliyev: “Bakı ATƏT-in Qarabağ nizamlanması üzrə prinsiplərinə sadiqdir”

Bakı/15.10.20/Turan: Bakı Dağlıq Qarabağ münaqişəsinin ATƏT-in Minsk Qrupu tərəfindən müəyyən edilmiş prinsiplər əsasında həllinə sadiqdir. Bu barədə Azərbaycan prezidenti İlham Əliyev RİA Novosti agentliyinə müsahibəsində bildirib.

“Bu prinsiplər uzun illər ərzində, deyərdim ki, 10 ildən artıq müddətdə işlənib hazırlanıb. Deyərdim ki, on ildən artıq. Ermənistanın əvvəlki rəhbərliyi ilə iş prosesində biz mövqelərimizin razılaşdırılması istiqamətində çox fəal irəliləyirdik”, - İ.Əliyev Rusiyanın Ria Novosti agentliyi üçün “Rossiya Seqodnya” BİA-nın baş direktoru Dmitri Kiselyova müsahibə müsahibəsində bildirib.

“Baza prinsiplərinə gəldikdə, orada hər şey dəqiq yazılıb. Azərbaycanın işğal edilmiş rayonlarının mərhələli şəkildə azad olunması nəzərdə tutulur. Birinci mərhələdə işğal edilmiş ərazilərin cənub-şərq hissəsindəki 5 rayon, ikinci mərhələdə Dağlıq Qarabağ ilə Ermənistan arasında yerləşən ərazilər – Laçın və Kəlbəcər rayonları işğaldan azad edilməli, bütün kommunikasiyalar, o cümlədən Ermənistan-Azərbaycan sərhədinin digər hissələrində yerləşən kommunikasiyalar açılmalı, qaçqınlar və məcburi köçkünlər əvvəlki yaşayış yerlərinə qaytarılmalıdır. Bu, azərbaycanlı köçkünlərin həm Şuşa ərazisinə, həm də keçmiş Dağlıq Qarabağ Muxtar Vilayətinin digər rayonlarının ərazisinə qaytarılmasını və Dağlıq Qarabağın tərəflər arasında razılaşdırılmalı olan qəti statusunun müəyyən edilməsinə dair danışıqları nəzərdə tutur”, - prezident əlavə edib. 

Onun sözlərinə görə, “Azərbaycanın həmişə hörmətlə yanaşdığı baza prinsipləri bunlardır və onları biz hazırlamışıq”.0-