![Prezident İlham Əliyev �Diqlas� Ticarət Mərkəzində baş vermiş yanğınla əlaqədar sərəncam imzalayıb](https://turan.az/resized/media/2019/main/032800017777-750-500-resize.webp)
Prezident İlham Əliyev �Diqlas� Ticarət Mərkəzində baş vermiş yanğınla əlaqədar sərəncam imzalayıb
Bakı/28.03.19/Turan: Azərbaycan prezidenti İlham Əliyev "Diqlas" Ticarət Mərkəzində baş vermiş yanğınla əlaqədar komissiyanın yaradılması haqqında sərəncam imzalayıb. Sərəncam hadisənin səbəblərinin araşdırılması və nəticələrin aradan qaldırılması məqsədilə komissiyanın yaradılmasını nəzərdə tutur. Komissiya Nazirlər Kabinetinə, prezidentə mütəmadi məlumat verməlidir.
Baş Prokurorluğun mətbuat xidməti isə bildirib ki, Ticarət Mərkəzində baş vermiş yanğın ilə əlaqədar cinayət işinin təhqiqatı üçün FHN, DİN və Vergilər Nazirliyinin əməkdaşlarından ibarət əməliyyat-istintaq qrupu yaradılıb.
CM-in 225.2 (yanğın təhlükəsizliyi qaydalarını pozma ağır nəticələrə səbəb olduqda) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə başlanmlş cinayət işi çərçivəsində hadisənin baş vermə səbəblərinin, sahibkarlara dəymiş ziyanın müəyyən edilməsi, eləcə də cinayəti törətməkdə təqsirli bilinən şəxslərin müəyyənləşdirilərək məsuliyyətə cəlb edilmələri istiqamətində zəruri və təxirəsalınmaz istintaq-əməliyyat tədbirləri həyata keçirilir.
Hadisə nəticəsində zərər çəkmiş vətəndaşlardan, eləcə də hadisə ilə bağlı məlumatlı şəxslərdən Nizami Rayon Prokurorluğunda yaradılmış qərargaha 421-10-02 və Baş Prokurorluğun Ağır Cinayətlərə dair İşlər üzrə İstintaq İdarəsinə 440-78-13 nömrəli telefonlara zəng etmələri xahiş olunur.06D--
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz