![Prezident İlham Əliyev mədəniyyət xadimlərinin problemlərinin həll olunacağını bildirib](https://turan.az/resized/750/500/resize/media/2019/main/030200017164.jpg)
Prezident İlham Əliyev mədəniyyət xadimlərinin problemlərinin həll olunacağını bildirib
Bakı/02.03.19/Turan: Mədəniyyət Nazirliyinə və Prezident Administrasiyasına tapşırılacaq ki, mədəniyyət xadimləri ilə görüş zamanı onların xahiş və müraciətləri öyrənilib təhlil edilsin. Bunlar proqram kimi tərtib ediləcək və tədricən həll olunacaq. Bu barədə prezident İlham Əliyev cümə günü bir qrup mədəniyyət xadimi ilə görüşün yekununda bildirib.
Qeyd edək ki, xahişlər əsasən maddi xarakter daşıyıb - əməkhaqqı, mənzil, layihələrin dəstəklənməsi və s.
İ.Əliyev gənc mədəniyyət xadimləri üçün mənzil tikintisinin və dövlət tərəfindən onların dəstəklənməsinin vacibliyini bildirib.
İ.Əliyev televiziya proqramlarının nizama salınması və telekanallarda proqramların keyfiyyətinə və məzmununa nəzarət edən Bədii şuraların yaradılması barədə təklifə müsbət reaksiya verib.
O, dövlətin teatr işçilərinin əmək haqlarını artırmağa, ölkədəki bütün teatrlara maddi-texniki dəstək göstərməyə hazır olduğunu bildirib.
Prezident bədii filmlərin çəkilişinin dövlət tərəfindən maliyyələşdirilməsi, Bakıda xeyriyyəçi Zeynalabdin Tağıyevə abidə qoyulması barədə təklifləri dəstəkləyib.
İ.Əliyev Bakının 3-4 rayonunu birləşdirən mərkəzi rayonun yaradılması təklifini dəstəkləyib.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz