Prezident İlham Əliyev Moskvanın və bütün Rusiyanın patriarxı Kiril ilə görüşüb
Bakı/06.01.19/Turan: Çərşənbə axşamı dövlət başçısı İlham Əliyev Moskvanın və bütün Rusiyanın patriarxı Kirili qəbul edib. Bu barədə Azərbaycan prezidentinin mətbuat xidməti məlumat yayıb.
Söhbət zamanı İ.Əliyev Kirilin səfərini Azərbaycana hörmət əlaməti kimi qiymətləndirib. O, dinlərarası dialoqun, konfessiyalar və xalqlar arasında qarşılıqlı anlaşmanın möhkəmləndirilməsi işindəki fəaliyyətini yüksək qiymətləndirib.
"Siz ilk dəfə deyil ki, Azərbaycana gəlirsiniz. Siz dinlərarası dialoqun, müxtəlif konfessiyaların, müxtəlif millətlərin, ölkələrin nümayəndələri arasında qarşılıqlı anlaşmanın möhkəmlənməsi işində həm də bütövlükdə çox uğurla və dinamik inkişaf edən Rusiya-Azərbaycan əlaqələrinin möhkəmlənməsi işində mühüm rol oynayırsınız. Bizdə qarşılıqlı etimad səviyyəsi prezidentlərdən başlamış adi vətəndaşlara qədər bütün səviyyələrdə çox yüksəkdir. Demək istərdim ki, keçən il rekord sayda - 900 minə yaxın rusiyalı Azərbaycana səfər edib. Bu, onu göstərir ki, insanlar və ölkələr arasında münasibətlər ən yüksək səviyyədədir. Ona görə ki, onlar özlərini evdəki kimi hiss edir, buraya yaxşı niyyətlərlə gəlir və burada onlara doğma münasibət bəsləyirlər", - İ.Əliyev bildirib.
Cavab sözündə patriarx deyib ki, Azərbaycana səfər onun üçün hər zaman mühüm mənəvi-mədəni hadisədir. O, Azərbaycanı zəngin və qədim tarixi olan ölkə adlandırıb, dinlərarası müansibətləribi yüksək səviyyəsini qeyd edib.
Azərbaycandakı pravoslavlar da müsəlman əksəriyyəti kimi bütün imkanlardan istifadə edirlər.
"Azərbaycanda pravoslav kilsəsinin vəziyyəti ilə əlaqədar sizə xüsusilə təşəkkür etmək istərdim", - patriarx deyib.
"Rus Pravoslav Kilsəsi tərəfindən mənim şəxsimdə, Rus Pravoslav Kilsəsinin iyerarxiyasının, o cümlədən Azərbaycandakı ruhanilərin şəxsində Azərbaycan ilə Rusiya arasında münasibətlərin daha da inkişafına səmimi qəlbdən çalışan etibarlı tərəfdaşlarınız var", - Kiril bildirib.-02D-
-
- Cəmiyyət
- 6 Fevral 2019 12:30
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz