Prezident İlham Əliyev Ramazan bayramı münasibətilə xalqı təbrik edib

Bakı/22.05.20/ Turan:  Azərbaycan prezidenti İlham Əliyev Ramazan bayramı münasibətilə xalqa müraciət edib.

Müraciətdə qeyd olunur ki, bu il Ramazan ayı pandemiya ilə əlaqədar dünyanın böyük təhlükə ilə üz-üzə qaldığı mürəkkəb bir şəraitdə başa keçib və başa çatır.

“Mövcud vəziyyət əhalinin sağlamlığı və rifahı üçün təxirəsalınmaz tədbirlərin həyata keçirilməsini zəruri edir. Qarşılaşdığımız qlobal bəla ilə mübarizənin uğuru daha çox cəmiyyətin hər bir üzvünün yüksək məsuliyyəti və intizamlı davranışından asılıdır.

Müqəddəs kitabımız Quran da daim birlik və bərabərliyə, sosial yardımlaşma və xeyirxahlığa çağırır. Əminəm ki, həmişə belə nəcib keyfiyyətləri ilə seçilən və milli-mənəvi dəyərlərini uca tutan xalqımız öz mütəşəkkilliyi və həmrəyliyi sayəsində bu çətinliyi də geridə qoyacaq”, - təbrik müraciətində deyilir.

Bu il Azərbaycanda Ramazan bayramı mayın 24-25-də qeyd olunur. 28 May Respublika Gününün qeyd olunduğunu nəzərə alaraq hökumət iş və qeyri-iş günlərinin yerini dəyişib, səkkizgünlük istirahət müddəti müəyyən edib.03D06-