Prezident İlham Əliyev Səudiyyə Ərəbistanının baş prokurorunu qəbul edib

Bakı/10.05.22/Turan: Azərbaycan Səudiyyə Ərəbistanı Krallığına xüsusi rəğbətlə yanaşır. Çünki Səudiyyə Ərəbistanı Krallığı dünyanın azsaylı ölkələrindəndir ki, Ermənistanla heç bir diplomatik əlaqə qurmayıb. Bunu çərşənbə axşamı Azərbaycan prezidenti İlham Əliyev Səudiyyə Ərəbistanı Krallığının baş prokuroru Şeyx Səud bin Abdulla Al Muacibin rəhbərlik etdiyi nümayəndə heyətini qəbul edərkən bildirib. “Bunun səbəbi isə torpaqlarımızın işğal altında olması idi. Biz bu mövqeyi çox yüksək qiymətləndiririk”, - o qeyd edib.

Ölkənin ərazi bütövlüyü bərpa edildiyi andan iqtisadi sahədə, o cümlədən energetika sahəsində əməkdaşlıq imkanları genişlənib.

Əliyev Səudiyyə Ərəbistanının iri şirkətlərinin Azərbaycana marağından məmnunluğunu ifadə edib. Qarşılıqlı səfərlər və turizmin inkişafı əməkdaşlığın gələcək inkişafı üçün yaxşı zəmin yaradıb.

Öz növbəsində, Şeyx Səud bin Abdulla Əl Müacib işğal olunmuş ərazilərin azad edilməsi münasibətilə Azərbaycanı təbrik edib.

Tərəflər əməkdaşlıq perspektivləri barədə fikir mübadiləsi aparıblar, rəsmi məlumatda deyilir. 02D