Prezident İlham Əliyev: “Türkiyə Azərbaycanın tərəfində döyüşmür”

Bakı/03.10.20/Turan: “Türkiyənin Azərbaycanın tərəfində döyüşməsi haqda məlumat yalandır. Türkiyə Azərbaycana qardaş ölkədir. Ermənistanın hücumunun ilk günündən, ilk saatından Türkiyə Azərbaycana tam dəstəyini ifadə edib. Qardaşım, Prezident Ərdoğan dəfələrlə çox mühüm bəyanatlar verib ki, Türkiyə münaqişəyə cəlb olunmayıb”,- prezident İlham Əliyev “Əl Cəzirə” telekanalına müsahibəsində deyib.  Ermənilər feyk xəbər yayıblar ki, Türkiyəyə məxsus F-16 təyyarəsi Ermənistanın Su-25 təyyarəsini vurub. Sübut haradadır? Sübut yoxdur. Yerə enən və havaya qalxan hər bir təyyarə kompüterdədir. Hər kəs nə baş verdiyini görə bilər. 

“Mən təəccüblənirəm, niyə Minsk Qrupunun həmsədr ölkələri – Fransa, ABŞ, Rusiya belə feyk xəbərə münasibət bildirmirlər. Onların bəziləri Azərbaycan və Türkiyənin buraya terrorçular dəvət etməsi kimi başqa feyk xəbərlərə münasibət bildirirlər.

Türkiyənin suriyalı müxalif döyüşçüləri Azərbaycana gətirməsilə bağlı ittihamlar da Türkiyənin ermənilərə məxsus təyyarəni vurması kimi feyk xəbərdir.  Əslində təyyarə pilotun günahından dağa çırpılıb”, - İ.ƏLiyev deyib.–71D-