- Söz istəyirəm
- 3 Oktyabr 2020, 14:00
- 45
Golos-ameriki.ru Rusiyanın təsiri altnda?
ATƏT-in MQ həmsədrləri olan ölkələrin prezidentlərinin Ermənistan Azərbaycan müharibəsinin dayandırılması haqqında dünənki bəyanatın Reuters tərəfindən saxtalaşdırılması barədə səhər yazmışdım. Yəni bəyanatda həmsədr ölkələrin prezidentlərinin Ermənistan və Azərbaycan rəhbərlərinə müraciətdindən söhbət getdiyi halda Reuters bəyanata Dağlıq Qarabağ ifadəsini əlavə etmişdi.
Bu məsələ ifşa olunduqdan sonra bir çox agentliklər bu saxtakarlığı redaktə etsə də təəssüf ki, Amerikanın səsi radiosunun rus redaksiyası nədənsə indiyə qədər bu düzəlişi etməyib. Amerikanın səsinin rus redaksiyasının saytında qeyd edilir ki, "США, Франция и Россия потребовали незамедлительного прекращения огня между Азербайджаном и силами этнических армян в Нагорном Карабахе, призвав стороны как можно скорее вернуться за стол переговоров".
Axı hər kəs, o cümlədən Amerikanın səsi də çox gözəl bilir ki, müharibə Azərbaycanla Dağlıq Qarabağın etnik erməni qüvvələri arasında deyil, Azərbaycanla işğalçı Ermənistan ordusu arasında gedir. İkincisi, belə bir ifadə Putin, Tramp və Macronun bəyanatında olmadığı halda, Amerikanın səsinin rus redaksiyası bunu haradan götürüb? Halbuki bu məsələ ətrafında spekulyativ hallara yol verildiyi üçün qeyd edilən bəyanatın doğru-dürüst mətni Kremlin, Ağ evin və Yelisey sarayının saytlarında qoyulub.
Bu halda, Amerika büdcəsindən maliyələşən və Ağ evin beş addımlığında yerləşən Amerikanın səsinin rus redaksiyası niyə təmsil etdiyi ölkənin rəsmi saytında yer alan bəyanatın əsl mətnini deyil, sənədin saxta mətnini yayır və prezidentlərin bəyanatında olmayan fikri onların adına yazır? Burada məqsəd nədir? Necə olur ki, belə təhriflər müxtəlif beynəlxalq agentliklərin daha çox rus redaksiyalarında baş verir?
-
- Siyasət
- 3 Oktyabr 2020 14:19
Söz istəyirəm
-
ABŞ federal tədqiqatçıları Demokrat konqresmen Henri Kuelların Azərbaycanın idarə etdiyi neft şirkəti və Meksikadakı bankdan $600,000 dollar həcmində rüşvət alması ittihamı ilə bağlı işdə artıq üç nəfər təqsirini etiraf etdiyini bildirir.
-
Mayın 3-də ABŞ-ın Bakıdakı səfiri Mark Libbinin böyük müsahibəsi çox səs-küy yaratdı və siyasi müzakirələrə səbəb oldu. Eyni zamanda, Amerika diplomatiyası, eləcə də səfirlik personalının işilə bağlı bir sıra vacib amili ortaya qoydu.
-
Bir sıra ağır xroniki xəstəliklərdən əziyyət çəkən qardaşım Cahangir Hacıyev səkkiz il yarımdır ki, həbsdədir. Səkkiz ildir ki, biz Penitensiar Xidmətin ona minimal tibbi yardım göstərilməsini və həkim nəzarətini təmin etməsinə nail olmağa çalışırıq. Bu illər ərzində o, dəfələrlə ürəkağrısı, təzyiq, hipertonik böhranlar, hormonal, immunitet sistemlərinin kəskinləməsi və mədəaltı vəzi tutmalarına məruz qalıb. Hətta bir dəfə təcili yardım çağırıblar. Dəfələrlə müraciətlərimizə baxmayaraq, onu mərkəzi tibb müəssisəsinə və koloniyanın özündəki sanitariya hissəsinə köçürməkdən imtina edirlər.
-
Türkiyənin unikal radio kolleksiyası olan mədəniyyət ocağından reportaj Mersin şəhərinin Tarsus qəsəbəsinin qədim mədəniyyətinə yeni tarix qatan məkandayıq. Eyuboğlu malikanəsindəyik. Bura həm də bir sərgi salonudur. Məkanın sahibləri və işlədənləri Eyubxan bəy və Pərvin xanım Eyuboğlular cütlüyüdür.
Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda
Xəbər lenti
-
- Siyasət,
- 13:57
- 324
Rəy yaz