Açiq mənbələrdən foto.
Bakı/29.06.22/Turan: İyunun 29-da dövlət başçısı İlham Əliyev Rusiya, İran, Azərbaycan, Qazaxıstan və Türkmənistan prezidentlərinin iştirakı ilə keçirilən VI Xəzər sammitinə qatılmaq üçün Türkmənistanın paytaxtına gedib.
Liderlər Xəzərdə müxtəlif sahələrdə əməkdaşlığı, eləcə də əvvəlki sammitlərdə qəbul edilmiş qərarların həyata keçirilməsini müzakirə edəcəklər.
Kremlin məlumatına görə, Vladimir Putin sammit iştirakçıları ilə bir sıra ikitərəfli söhbətlər aparacaq.
Sammit ərəfəsində iyunun 28-də Aşqabadda Xəzəryanı dövlətlərin xarici işlər nazirlərinin müşavirəsi keçirilib. Tədbirin sonunda Rusiyanın xarici işlər naziri Sergey Lavrov bildirib ki, tərəflər hərbi əməkdaşlığa dair saziş üzərində işi sürətləndirəcəklər. Onun sözlərinə görə, Xəzər regionunda sahilyanı olmayan dövlətlərin Silahlı Qüvvələrinin olmasının istisna edildiyi təsdiqlənib. Rusiya mənbələrinin məlumatına görə, Putin Xəzərdə mülki gəmilər də daxil olmaqla, xarici qüvvələrin mövcudluğuna gələcəkdə məhdudiyyətlərin qoyulmasına təkid edəcək. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz