![Prokuror AXCP fəalına 7 il 6 ay həbs istəyib](https://turan.az/resized/media/2022/main/032900042458-750-500-resize.webp)
Prokuror AXCP fəalına 7 il 6 ay həbs istəyib
Bakı/29.03.22/Turan: Bu gün, martın 29-da Gəncə Ağır Cinayətlər Məhkəməsində dövlət ittihamçısı Azərbaycan Xalq Cəbhəsi Partiyasının (AXCP) fəalı Şahin Hacıyevə 7 il 6 ay həbs istəyib.
Məhkəmə martın 31-də müdafiə tərəfinin çıxışı ilə davam edəcək.
Hacıyev Cinayət Məcəlləsinin 234.4.3-cü maddəsilə (külli miqdarda narkotik maddənin qanunsuz dövriyyəsi) ittiham olunur.
Vəkil Zabil Qəhrəmanov bildirib ki, Şahin Hacıyev məhkəmədə ittihamı qəbul etməyib.
“Hacıyev protokolları işgəncə altında imzaladığını bildirdi. Onu saxlayandan sonra heç bir ekspertiza aparılmayıb, işə saxta rəy əlavə edilib. Yazıblar ki, məhkəmə-narkoloji ekspertizasının 29 noyabr tarixli rəyinə əsasən, Hacıyev heroindən sui-istifadə nəticəsində narkomaniyadan əziyyət çəkir. Lakin noyabrın 29-da heç bir narkoloji ekspetiza keçirilməyib. Şahin heç vaxt siqaret və spirtli içki istifadəçisi olmayıb,” vəkil qeyd edib.
Qəhrəmanovun sözlərinə görə, AXCP fəalını evindən aparıblar və onun evindən iki noutbuk götürüblər.
Vəkil deyib ki, Hacıyev saxlanıln zaman onun evində olan iki şəxs də məhkəmədə dindirilib və həmin şəxslər evdən narkotik maddənin götürülmədiyni təsdiq ediblər.
Məhkəmə iclasları “Müdafiə Xətti” hüquq müdafiə təşkilatı tərəfindən monitorinq edilib. Təşklatın icraçı direktoru Rüfət Səfərov bildirib ki, ittiham məhkəmə istintaqı zamanı sübut olunmayıb.
“Bu məhkəmə hüquq təcrübəsində siyasi ağırlığı olan, azad və müxalif fikrə görə cəza mexanizmi kimi yadda qalacaq. Şahin Hacıyevin məhkəmə istintaqı tam, hərtərəfli və obyektiv aparılmayıb. Məhkəmə istintaqının verilən siyasi sifariş əsasında realizə edildiyi şübhə doğurmuir,” o qeyd edib.
Səfərovun fikrincə, Şahin Hacıyevin həbsinin səbəbi onun sosial şəbəkələrdə hakimiyyəti sərt tənqid etməsidir.
“O öncə inzibati qaydada həbs edilib. Bunun nəticəsi olmadıqda ittiham irəli sürülüb. Təsəvvür edin, acınacaqlı vəziyyətdə yaşayan, dolanmaq üçün evinin soyuducusunu, xalçasını satan adam bu gün narkobaron kimi təqdim olunur,” o qeyd edib.
Şahin Hacıyevin həbsi və istintaqı ilə bağlı hüquq mühafizə orqanlarından münasibət öyrənmək mümkün olmayıb. Bununla yanaşı, bir qayda olaraq istintaq orqanı cinayət işlərinin necə aparılmasına məhkəmənin qiymət verəcəyini bildirir. Məhkəmə orqanları isə narazı tərəfin yuxarı məhkəmə instansiyaların şikayət etmək hüququnun olduğunu diqqətə çatdırır.
Azərbaycan Xalq Cəbhəsi Partiyasında əmindirlər ki, fəalın həbsinin əsl səbəbi onun sosial şəbəkələrdə hakimiyyətin ünvanına tənqidi yazılarıdır.
Öz növbəsində, hüquq mühafizə orqanları işgəncə və sifarişli həbslə bağlı deyilənləri qəbul etmir.
Hüquq mühafizə orqanlarının rəsmiləri insanların özünü müdafiə məqsədi ilə belə bəyanatlarla çıxış etdiyini bildirir.-03-
-
- Keçmiş Sovet məkanı
- 30 Mart 2022 07:34
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz