Эльданиз Салимов
Bakı/30.07.21/Turan: Hüquq-mühafizə orqanları 55-ci Xaçmaz seçki dairəsindən Milli Məclisin deputatı Eldəniz Səlimovun polis əməkdaşını döyməsi faktı ilə bağlı araşdırmalar aparır.
Daxili İşlər Nazirliyinin mətbuat xidmətindən Turan-a bildiriblər ki, hadisə iyulun 29-da gecə yarısından sonra Xaçmaz rayonunun Nabran qəsəbəsində Səlimovun qohumunun obyektində baş verib
"Eldəniz Səlimov polisin karantin rejiminin tələbinə uyğun olaraq obyekti bağlamaq tələbindən narazılığını bildirib.
Fakt üzrə toplanmış materiallar Baş Prokurorluğun İstintaq İdarəsinə göndərilib",- Daxili İşlər Nazirliyinin mətbuat xidmətindən bildiriblər.
Yerli mənbələrin məlumatına görə, sərxoş vəziyyətdə olan deputat Xaçmaz rayon polis şöbəsinin əməkdaşı Zaur Mirzəyevə bədən xəsarəti yetirib.
Milli Məclisin İntizam komissiyasının sədr müavini Fəzail Ağamalı bildirib ki, deputatın davranışı qurum tərəfindən müzakirə ediləcək. "Baş Prokurorluq insidenti araşdırır. Araşdırmanın nəticələri Milli Məclis rəhbərliyinə təqdim ediləcək. Qanunvericiliyə əsasən 7 gün ərzində rəhbərlik İntizam komissiyasına məlumat verəcək və komissiya müzakirələr apararaq müvafiq qərar qəbul edəcək", - Ağamalı bildirib.
Xatırladaq ki, deputat parlamentin razılığı ilə cinayət məsuliyyətinə cəlb edilə bilməz.
Baş Prokurorluqda faktla bağlı materialların İstintaq İdarəsinə göndərilməsi barədə məlumatı təsdiqləyiblər.—03B06-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz