![Recep Tayyip Erdogan and Vladimir Putin](https://turan.az/resized/750/500/resize/media/2023/main/090400066158.webp)
Recep Tayyip Erdogan and Vladimir Putin
Putin Ərdoğana deyib ki, Moskva taxıl sövdələşməsi üzrə danışıqlara hazırdır
Bakı/04.09.23/Turan: Rusiya prezidenti Vladimir Putin Soçidə Türkiyə lideri Rəcəb Tayyib Ərdoğanla görüşü zamanı bildirib ki, Moskva taxıl sövdələşməsi üzrə danışıqlara hazırdır.
"Bilirəm ki, bu gün taxıl sövdələşməsi məsələsini qaldırmaq istəyirsiniz. Bu mövzuda danışıqlara açığıq", - o deyib.
Ərdoğan cavabında bildirib ki, iki liderin görüşünün yekunlarına dair məlumat "bütün dünyaya, xüsusən də inkişaf etməkdə olan Afrika ölkələrinə doğru addım olacaq".
Taxıl sövdələşməsi ötən ilin iyulunda Rusiya və Ukrayna tərəfindən Türkiyə və Birləşmiş Millətlər Təşkilatı ilə ayrı-ayrılıqda bağlanıb. Onun çərçivəsində Ukrayna limanlarından taxıl daşımaq üçün Qara dənizdə dəhlizlər yaradılıb. Razılaşmanın ikinci hissəsi Rusiyanın kənd təsərrüfatı ixracı üçün məhdudiyyətlərin yumşaldılmasını nəzərdə tuturdu.
Müqavilə dəfələrlə uzadılıb, lakin iyulun 17-də Moskva öz iştirakını dayandırdığını elan edib. Rusiya tərəfi bildirib ki, sövdələşmənin ikinci hissəsi yerinə yetirilməyib. Rusiya onun tələblərinə əməl olunması ilə müqavilələrə qayıda bilər. Bunların arasında “Rosselxozbank”ın SWIFT-ə yenidən qoşulması, kənd təsərrüfatı texnikası üçün komplektlərin tədarükünün bərpası, Rusiya gübrələrinin ixracında məhdudiyyətlərin aradan qaldırılması. -0-
Siyasət
-
Birləşmiş Ştatlar Azərbaycan və Ermənistanla hər iki ölkənin məqbul hesab edəcəyi istənilən formatda əməkdaşlıq etməyə hazırdır, - ABŞ Dövlət Departamenti ATƏT-in Minsk qrupunun gələcəyi və sülh prosesində ABŞ-ın rolu ilə bağlı sualları cavablandırarkən bildirib.
-
Avqustun 19-da Rusiya prezidenti Vladimir Putinin Bakıya səfəri başlayacaq. Azərbaycana ikigünlük dövlət səfəri zamanı iki ölkənin prezidentləri dövlətlərarası və beynəlxalq münasibətləri müzakirə edəcəklər, həmçinin ikitərəfli sənədlər imzalanacaq. Rəsmi mənbələrin səfərin gündəliyi barədə verdikləri məlumat bu qədərdir. Görünür, məlum olmayan razılaşmalar artıq əvvəlcədən əldə olunub və Bakıya bu sənədlərin imzalanmasını başa çatdırmaq qalır.
-
Dövlət başçısının sərəncamı ilə Dövlət Sərhəd Xidmətinin üç polkovnikinə general-mayor rütbəsi verilib: Bəhmən Babayev, Eyyub Məmmədov, Nəsib Mirzəyev.
-
Avqustun 16-da "Abzas Media işi" üzrə həbs olunan iqtisadçı Fərid Mehralızadəyə qarşı 7 ağır maddə ilə yeni ittiham irəli sürülüb. Bu barədə məlumatı onun həyat yoldaşı Nərgiz Muxtarova verib.
Rəy yaz