Putin və Əliyev bölgədəki nəqliyyat kommunikasiyalarının bərpasını müzakirə etdilər

Bak/08.04.21/Turan: 8 aprel tarixində Rusiya Prezidenti Vladimir Putin Azərbaycan Prezidenti İlham Əliyevə zəng etdi.

Hər iki prezidentin mətbuat xidmətlərindən bildirildiyi kimi, tərəflər Rusiya, Azərbaycan və Ermənistan liderlərinin 10 noyabr 2020-ci il və 11 yanvar 2021-ci il tarixli Bəyannamələrinə uyğun olaraq Dağlıq Qarabağ ətrafındakı vəziyyəti və gələcək sabitləşməni müzakirə etdilər.

Xüsusilə bölgənin sülh, təhlükəsizlik və mütərəqqi sosial-iqtisadi inkişafının təmin edilməsi, habelə nəqliyyat kommunikasiyalarının bərpası işlərinin irəliləməsi məsələləri əsaslı şəkildə nəzərdən keçirilmişdir. Eyni zamanda, 7 aprel tarixində Moskvada keçirilmiş Rusiya-Ermənistan sammiti danışıqlarının nəticələri nəzərə alındı.

Xəbərdə həmçinin deyilir ki, tərəflər  əlaqələri müxtəlif formatlarda aktivləşdirmək barədə razılığ əldə etdi.

Moskvadakı qeyri-rəsmi mənbələrə görə, Paşinyan, 7 apreldə Putinlə görüşündə İcevandan Azərbaycana gedən dəmir yolunun Naxçıvanla Azərbaycan arasında dəmir yolunun açılması ilə eyni vaxtda bərpasında israr etdi.-02D-