Bakı/08.04.21/Turan: Minalanmış ərazilərin xəritələrini verməkdən imtina edən Ermənistan Azərbaycana qarşı hərbi cinayətlərini davam etdirir. Bunu Azərbaycan Xarici İşlər Naziri Ceyhun Bayramov aprelin 8-də İslam Əməkdaşlıq Təşkilatının (İƏT) Baş katibi Yusif Ben Əhməd əl-Useyminlə birgə keçirdiyi mətbuat konfransında bəyan edib.
Nazir bu məsələdə Ermənistanın mövqeyini beynəlxalq hüququn pozulması kimi qiymətləndirib.
Son bir neçə ay ərzində Azərbaycan bu istiqamətdə sistemli addımlar atıb. Rəsmi Bakı beynəlxalq təşkilatları minalanmış ərazilərin xəritələrini təqdim etməsı üçün Ermənistana təsir göstərməyə çağırıb.
"Azərbaycan Ermənistanın dünya ictimaiyyətinin diqqətini bu məsələdən yayındırmasına imkan verməyəcək," Bayramov vurğulayıb.
Onun sözlərinə görə, üçtərəfli bəyanatın imzalanması bölgədə yeni bir təhlükəsizlik və inkişaf formatının yaranmasına kömək edib.
“Azərbaycan əməkdaşlıq üçün açıqdır. Bununla belə, Azərbaycanın bu cür konstruktiv mövqeyi fonunda Ermənistanın dağıdıcı addımlarını və bəyanatlarını müşahidə edirik," o əlavə edib.
Xüsusilə Ermənistan Xarici İşlər Nazirliyi təxribat xarakterli, dağıdıcı və revanşist açıqlamalar verməkdə davam edir. Bu onu göstərir ki, bu ölkə hələ də yeni reallığı dərk etməyib.
“Azərbaycan bölgədə yeni bir əməkdaşlıq formatı qurmağa hazırdır. Lakin gələcəkdə Azərbaycan ərazisində hər hansı bir təxribat baş verərsə, buna adekvat cavab veriləcək,” nazir bəyan edib.
Ermənistanın Azərbaycana minalanmış ərazilərin xəritələrini təqdim etməkdən imtina etməsi, çox ciddi bir təhlükə yaradır, öz növbəsində Yousef Ben Ahmed əl-Usaymin qeyd edib.
Minalanmış ərazilər insan həyatı üçün böyük təhlükə yaradır.
“Nümayəndə heyətimiz azad edilmiş ərazilərə səfər etdikdən sonra orada mövcud olan təhdidlər barədə məlumat əldə etdik. Heyət üzvləri dedilər ki, minanın hansı anda partlayacağını bilmirsən. Bu, çox ciddi məsələdir,” İslam Əməkdaşlıq Təşkilatının baş katibi deyib.
Onun sözlərinə görə, bu təşkilatl Azərbaycanın azad edilmiş ərazilərini bərpa etmək səylərini dəstəkləyir.
İslam İnkişaf Bankı da faizsiz kreditlər və digər yardımlarla bu işləri dəstəkləməyə hazırdır. -06D-
Siyasət
-
Avropa İttifaqı (Aİ), noyabrın 18-də Aİ-nin Energetika Baş Direktorluğunun bəyanatına əsasən, bərpa olunan enerji inkişafına qlobal investisiyaları artırmağa yönəlmiş COP29-un yaşıl enerji şəbəkələri və saxlama üzrə Qlobal Öhdəliyini dəstəkləyəcək.
-
Avropa Şurasının milli azlıqların qorunması haqqında Çərçivə Komissiyası üzrə Məşvərət Komitəsi Azərbaycanla bağlı növbəti - beşinci hesabatını dərc edib. Avropa Şurasının məlumatında eyd edilir ki, Azərbaycan çoxmillətli ölkə olaraq etnik mədəniyyəti, dil və dini dözümlülüyü və hörməti təbliğ etməyə çalışır.
-
İqlim məsələləri üzrə Avropa Komissarı Vopke Hukstra Noyabrın 18-də COP29 çərçivəsində Bakıda mətbuat konfransı keçirib. Turan Agentliyi ona belə bir sual verib: Aİ yaşıl enerjinin Azərbacandan Avropaya nəqli layihələrinin həyata keçirilməsinə necə kömək edə bilər?
-
Noyabrın 18-də COP29-da "yaşıl zonada" təkadamlı etiraz aksiyası keçirilib. Aksiyanı COP29-da texniki işçi olan İsmayıl Cəfərsoy keçirib. O bildirib ki, 500-dən çox işçinin hüquqları pozulur, əmək haqları ödənilmir. Onun sözlərinə görə, noyabr ayı üçün qəbul edilmiş işçilərə gündə 20 manat ödəniş vəd edilmişdi.
Rəy yaz