![Açiq mənbələrdən foto.](https://turan.az/resized/media/2020/main/061800027953-750-500-resize.webp)
Açiq mənbələrdən foto.
Putin və Əliyev Dağıstan sərhədindəki vəziyyəti yenidən müzakirə ediblər
Moskva/18.06.20/Turan: RF prezidenti Vladimir Putin və Azərbaycan prezidenti İlham Əliyev cümə axşamı telefon söhbəti zamanı ikitərəfli münasibətləri və koronavirus pandemiyasına qarşı mübarizə tədbirlərini müzakirə ediblər.
“İkitərəfli münasibətlərin inkişafı məsələləri müzakirə olunub. Həmçinin, koronavirus pandemiyası ətrafında vəziyyətə və infeksiyaya qarşı görülən mübarizə tədbirlərinə toxunulub”, deyə məlumatda bildirilir.
Öz növbəsində, Azərbaycan prezidentinin mətbuat xidmətinin məlumatına görə, Əliyev Putinə karantin tədbirləri ilə əlaqədar Moskvada Qələbənin 75 illiyinə həsr olunmuş hərbi paradda əvvəlcədən planlaşdırılmış iştirakının mümkün olmadığını təəssüf hissi ilə bildirib və qeyd edib ki, ölkəmiz bu tədbirdə Müdafiə naziri və Azərbaycan Ordusunun 75 nəfər hərbi qulluqçusu ilə təmsil olunacaq.
Dövlət başçıları Rusiya-Azərbaycan sərhədində yaranmış vəziyyətlə bağlı fikir mübadiləsi aparıblar. Prezident İlham Əliyev bildirib ki, onun Rusiya Prezidenti ilə bu il mayın 18-dəki telefon danışığından ötən dövr ərzində Samur keçid məntəqəsindən 700-ə yaxın, bütövlükdə bir ay ərzində isə quru və hava yolları ilə 1000-ə yaxın Azərbaycan vətəndaşı Rusiyadan ölkəmizə gətirilib.
Prezidentlər müvafiq dövlət strukturlarına sərhəddə vəziyyətin tənzimlənməsi ilə əlaqədar əlavə tapşırıqların verilməsi barədə razılaşıblar.
Xatırladaq ki, iyunun 15-nə keçən gecə yüzlərlə Azərbaycan vətəndaşı sərhədi keçməyə cəhd edib, bu zaman vətəndaşlarla Dağıstan polisi arasında qarşıdurma baş verib. Onlarla insan saxlanılıb, hər iki tərəfdən xəsarət alan olub. 10 Azərbaycan vətəndaşına qarşı cinayət işi açılıb.
Hazırda 400-ə yaxın Azərbaycan vətəndaşı sərhəddə Vətənə buraxılmağı gözləyir. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz