Açiq mənbələrdən foto.
Bakı/03.09.2/Turan: Sentyabrın 3-də Vladimir Putinlə Azərbaycan Respublikasının prezidenti İlham Əliyevin telefon danışığı olub, Kremlin məlumatında deyilir.
“Cənubi Qafqazdakı mövcud vəziyyət ətraflı müzakirə edilib. Ermənistan-Azərbaycan sərhədində sabitliyin və təhlükəsizliyin təmin edilməsi, regionda iqtisadi və nəqliyyat əlaqələrinin qurulması üzrə əlaqələndirilmiş səylərin vacibliyi qeyd olunub.
Bu kontekstdə Rusiya, Azərbaycan və Ermənistan liderlərinin 9 noyabr 2020-ci il, 11 yanvar və 26 noyabr 2021-ci il tarixli üçtərəfli razılaşmaların ardıcıl şəkildə həyata keçirilməsi niyyəti təsdiqlənib.
Prezident İlham Əliyev avqustun 31-də Brüsseldə Ermənistan Respublikasının baş naziri Nikol Paşinyan və Avropa İttifaqı Şurasının prezidenti Şarl Mişel ilə keçirdiyi görüş barədə məlumat verib.
Həmçinin ikitərəfli gündəlikdəki, o cümlədən ticarət-iqtisadi, energetika və humanitar sahələrdə bəzi praktiki məsələlərə toxunulub”, - məlumatda bildirilir. 0
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz