Putinin Şimali Koreyaya səfəri Rusiyanın harada olduğunu göstərdi
Putinin Şimali Koreyaya səfəri Rusiyanın harada olduğunu göstərdi
Çərşənbə günü Ağ Ev Vladimir Putinin Şimali Koreyaya səfərinə reaksiya verərək bildirib ki, bu, Rusiyanın dünya arenasında yerini və onun ən yaxın tərəfdaşlarının kim olduğunu "göstərir".
"Aydındır ki, bu tərəfdaşlıq genişlənir", - Milli Təhlükəsizlik Şurasının Avropa üzrə baş direktoru Maykl Karpenter Dövlət Departamentinin təşkil etdiyi brifinqdə deyib.
"Bu, həm də Rusiyanın dünya arenasında harada olduğunu və onun yaxın tərəfdaşlarının Şimali Koreya, İran, Suriya olduğunu göstərir. Öz növbəsində, Çin Rusiyaya nitrosellüloz, optika və hərbi-sənaye kompleksi üçün dəzgahlar daxil olmaqla, ikili təyinatlı məhsullar göndərir", -Karpenter deyib.
"Bunu Ukraynanın müdafiəsi üzrə 50 ölkənin koalisiyası və İsveçrədə Birləşmiş Millətlər Təşkilatı Nizamnaməsinin prinsiplərini dəstəkləyən təxminən 100 ölkə ilə müqayisə edin", - o, sözlərinə davam edib. "Biz bütün ölkələri bu koalisiyaya qoşulmağa təşviq edəcəyik və dəstəkləyəcəyik", - Karpenter Turan-ın sualına cavabında deyib.
İşğal edilmiş Ukrayna ərazilərinin Rusiya əraziləri kimi tanınması ilə bağlı Putinin tələbini şərh edən Karpenter qeyd edib: "Bu, danışıqlar deyil, kapitulyasiyadır. Bu, torpaqların imperialistcəsinə işğalıdır".
Turan-ın “Ukraynanın Amerika silahlarından Rusiyaya qarşı istifadə etmək hüququ varmı?” sualının cavabında Karpenter deyib: "Biz aydın şəkildə işarə etdik ki, ukraynalılara Xarkov və Sum vilayətləri xaricindəki Rusiya mövqelərinə cavab atəşi açmasına imkan verəcəyik".
Karpenter NATO-nun Vaşinqtonda keçiriləcək sammitindən də danışıb. Ukrayna müzakirələrin "mühüm mövzusu olacaq". "Biz həmçinin prezident Zelenskinin gəlib liderlər səviyyəsində Ukrayna-NATO Şurasının iclasını keçirməsini gözləyirik", - o deyib.
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz