Qaqik Voskanyanın işi üzrə məhkəmə təhqiqatı başlayıb
Bakı/04.12.23/Turan: Dekabrın 4-də Bakının Sabunçu Rayon Məhkəməsinin binasında Kəlbəcər rayonunda saxlanılan erməni hərbiçisi Qaqik Voskanyanın işi üzrə hazırlıq iclası keçirilib.
İşə Gəncə Ağır Cinayətlər Məhkəməsinin hakimi Abdulla Məmmədovun sədrlik etdiyi hakim heyəti baxır. Voskanyan vəkil və tərcüməçi ilə təmin olunub.
Voskanyanın anket məlumatları dəqiqləşdirilib, o, 1983-cü ildə Yerevanda doğulub, Ermənistan vətəndaşıdır, orta təhsillidir. Mahiyyəti üzrə dinləmələr dekabrın 11-nə təyin edilib.
Voskanyan bu il avqustun 16-da sərhədin Kəlbəcər istiqamətində saxlanılıb. Azərbaycan Müdafiə Nazirliyinin məlumatına görə, o, diversiya-kəşfiyyat qrupunun üzvüdür.
Voskanyan CM-in 206.3.2 (qaçaqmalçılıq), 214.2.1 (terrorçuluq) və 318.2-ci (sərhədi qanunsuz keçmə) maddələri ilə cinayət məsuliyyətinə cəlb olunub. 0
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz