Bakı/02.09.22/Turan: Qarabağ separatçılarının keçmiş komandiri general Calal Arutyunyana qarşı ağır nəticələrə gətirib çıxaran səriştəsizlik ittihamı irəli sürülüb. Ondan başqa yerə getməmək haqqında iltizam alınıb. Bu barədə sentyabrın 2-də axşam Ermənistanın İstintaq Komitəsi məlumat yayıb. Bu günə qədər Arutyunyan Ermənistan Müdafiə Nazirliyinin idarələrindən birinin rəisi idi.
İstintaq Komitəsinin məlumatından Calal Arutyunyanın cəbhənin cənub hissəsində 44 günlük mübaribə zamanı səriştəsiz hərəkətləri ilə bir neçə böyük əməliyyatın uğursuzluğuna səbəb olduğu anlaşılır. Nəticədə Ermənistan ordusu böyük canlı qüvvə və texnika itkiləri verib.
Bu əməliyyatlardan biri 7-8 və 12 oktyabr tarixlərində Cəbrayıldakı uğursuz hücum idi.
Calal Arutyunyan 2020-ci il oktyabrın sonlarında ağır yaralanana qədər Qarabağdakı erməni qüvvələrinə rəhbərlik edib. Ondan sonra komandir vəzifəsini Mikael Arutyunyan tutub, o da iki gün əvvəl Şuşa şəhərinin təhvil verilməsi ittihamı ilə həbs edilib. 02B
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz