![Açiq mənbələrdən foto.](https://turan.az/resized/media/2023/main/092900067364-750-500-resize.webp)
Açiq mənbələrdən foto.
Qarabağ üzrə işçi qrupunun üzvləri oktyabrın 2-də Xankəndinə səfər edəcəklər /YENİLƏNİB/ /YENİLƏNİB/
Bakı/29.09.23/Turan: Azərbaycan hökumətinin Qarabağ regionunda problemlərin həlli üzrə işçi qrupunun üzvləri oktyabrın 2-də Xankəndinə gedəcək.
Azərbaycan Prezidentinin Administrasiyası xəbər verir ki, bu qərar sentyabrın 29-da Yevlaxda Bakı təmsilçiləri ilə Qarabağın erməni sakinləri arasında keçirilən görüşdən sonra qəbul edilib.
Erməni nümayəndələri mülki əhalinin sərbəst hərəkətinin təmin edilməsinə, humanitar yardımın, yanacaq və ərzaqların çatdırılmasına, yanğından zərər çəkənlərə yardım göstərilməsinə görə təşəkkür ediblər.
Eyni zamanda, mobil rabitə xidmətlərinin, televiziya və radio yayımının təşkili ilə bağlı tədbirlərin görülməsini xahiş ediblər.
Qarabağ erməniləri ilə təmaslara məsul təyin olunmuş Ramin Məmmədov reinteqrasiya prosesi ilə bağlı prosedurlar və sosial xidmətlər paketi haqqında məlumat verib.
Təsərrüfat, kommunal və digər məsələlərin yerindəcə həlli üçün Qarabağ iqtisadi rayonunda sosial, humanitar, iqtisadi və infrastruktur məsələlərinin həlli üzrə işçi qrupunun üzvlərinin oktyabrın 2-də Xankəndi şəhərinə səfəri planlaşdırılır.
Xatırladaq ki, işçi qrupuna baş nazirin müavini Şahin Mustafayev rəhbərlik edir. -06B-
* * *
2023 Sentyabr 29 (Cümə) 17:20:48
Yevlaxda Bakı və Qarabağ ermənilərinin nümayəndələrinin görüşü başa çatıb /YENİLƏNİB/
Bakı/29.09.23/Turan: Saat 17 radələrində Yevlaxda Bakı nümayəndələrinin Qarabağ ermənilərinin nümayəndələri ilə görüşü başa çatıb.
Rəsmi məlumata əsasən, görüşdə Qarabağın erməni əhalisinin reinteqrasiyası, habelə regionun infrastrukturunun bərpası və fəaliyyəti məsələləri müzakirə olunub.
Azərbaycan tərəfdən görüşdə Milli Məclisin deputatı, Azərbaycan hökumətinin xüsusi nümayəndəsi Ramin Məmmədov, Ermənistan tərəfdən özlərini Qarabağ "parlamentinin" deputatları adlandıran Sergey Martirosyan və David Melkumyan iştirak ediblər. 0
* * *
2023 Sentyabr 29 (Cümə) 16:00:25
Yevlax şəhərində Qarabağ erməniləri ilə sayca üçüncü görüş keçirilir
Bakı/29.09.23/Turan: Cümə günü günün ikinci yarısında Qarabağdan 40 km məsafədə yerləşən Yevlax şəhərində rəsmi Bakı nümayəndələrinin Qarabağ ermənilərinin nümayəndələri ilə sayca üçüncü görüşü başlayıb.
Danışıqların iştirakçılarının tərkibi eynidir, müzakirələrin gündəliyi açıqlanmır.
İlk iki görüş 21 və 25 sentyabr tarixlərində Yevlaxda və Xocalıda keçirilib.
-
- Çətin sual
- 29 Sentyabr 2023 19:13
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz