Qarabağda etiraz aksiyası yenidən başlanıb, Saakyanın istefası tələb olunur

Bakı/15.06.18/Turan: İyunun 13-də polis müxalifətyönlü Milli Dirçəliş Partiyasının Xankəndinin mərkəzində keçirdiyi etiraz mitinqini pozmağa cəhd edib. Bu barədə Ermənistan KİV-i məlumat yayıb.

Partiya üzvü, politoloq Tiqran Qriqoryan Facebook səhifəsində bildirib ki, onu və yerli "deputat" Ayk Hanumyanı meriyaya dəvət edərək aksiyanın qanunsuz olduğunu bildiriblər. Polis adamları buraxmamaq üçün şəhərin mərkəzindəki meydanı əhatəyə alıb. Ancaq təşkilatçılar narazılıqlanı bildiriblər.

Bako Saakyan (Qarabağda separatçı rejimin rəhbəri) istefa verməlidir, onunla birlikdə "parlamentin spikeri" də istefaya getməlidir, T.Qriqoryan bildirib. Mitinq başlamazdan öncə T.Qriqoryan deyib ki, onun həmfikirlərinin çoxunu qorxutmaq istəyiblər, toplantı zamanı iştirakçılara yaxınlaşaraq meydanı tərk etmələrini tələb ediblər.

Polis toplaşanlara deyib ki, cəbhənin ön xəttində Azərbaycan qoşunları cəmləşib və hücuma keçməyə hazırdır.

Bununla belə, aksiya təşkilatçıları öz tələblərindən imtina etməyiblər. T.Qriqoryan yazıb.

Xatırladaq ki, iki həftə öncə Qarabağda etirazlar polis və təhlükəsizlik xidməti rəhbərlərinin istefası ilə başa çatıb. Ancaq bu, sosial-iqtisasi problemləri olan əhalini sakitləşdirməyib.02D-