Açiq mənbələrdən foto.
Qarşıdakı iki həftə üçün sərt karantin rejiminin şərtləri açıqlanıb
Bakı/19.06.20/Turan: Baş nazir Əli Əsədov Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində xüsusi karantin rejiminin sərtləşdirilməsi ilə bağlı əlavə tədbirlər barədə qərar qəbul edib.
Qərara əsasən yuxarıda adları sadalanan şəhər və rayonda iyunun 21-dən iyulun 5-dək məhdudiyyətlər tətbiq ediləcək.
Qərarda deyilir ki, bir çox iş və xidmət sahələrində fəaliyyət dayandırılacaq.
Belə ki, nəzdindəki ərzaq mağazaları və apteklər istisna olmaqla, iri ticarət mərkəzlərinin, ictimai iaşə obyektlərində müştərilərə yerində xidmətlər, muzey və sərgi zallarının, bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət), təhsil müəssisələrinin fəaliyyəti (onlayn imtahan, müsabiqə və müsahibələr istisna olmaqla), açıq havada idman yarışlarının və oyunlarının keçirilməsi dayandırlır.
Qərara görə, dövlət və hökumət orqanlarının, yerli icra hakimiyyətlərinin, tibb xidmətlərinin, hüquq- mühafizə, məhkəmə və hərbi xidmət nəzərdə tutulmuş orqanların əməkdaşlarının, vəkillərin, Azərbaycanda akkreditasiya olunmuş diplomatik nümayəndəliklərin və beynəlxalq təşkilatların əməkdaşlarının və Milli Məclisin deputatlarının xidməti vəsiqələri əsasında hərəkət etmələrinə yol verilir.
Bir sıra fəaliyyət sahələri, o cümlədən kənd təsərrüfatı məhsullarının toplanması, habelə növbəli suvarma, təxirəsalınmaz baytarlıq və bitki mühafizə xidməti sahələrində fəaliyyət göstərən hüquqi şəxslərin əməkdaşları barədə məlumatlar işəgötürən tərəfindən, həmin sahələrdə fəaliyyət göstərən fiziki şəxslərin hərəkətinə isə onlar barəsində məlumatlar Azərbaycan Kənd Təsərrüfatı Nazirliyi və ya olduğu yer üzrə yerli icra hakimiyyəti orqanlarının ərazi nümayəndəlikləri tərəfindən gücləndirilmiş elektron imzadan istifadə edilməklə “icaze.e-gov.az” portalına daxil edildikdən sonra yol verilir.
Vətəndaşlar isə yaşayış yerini və olduğu yeri tərk etmələri üçün icazə almaq məqsədilə 8103 nömrəsinə SMS - məlumat göndərməlidirlər.
Vətəndaşlara evlərini tərk etmək üçün üç halda iki saat nüddətində icazə verilir. Bunlara tibbi zərurət yarandıqda, ərzaq və digər zəruri tələbat malları almaq və dəfn mərazimində iştirak halları daxilidir. -03-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz