Qazaxıstanda yeni məhkəməyə britaniyalı hakimlər rəhbərlik edəcəklər

Bakı/05.02.18/Turan: Keçmiş britaniyalı lord, hakim Vulf Qazaxıstanda yeni Kommersiya Məhkəməsinin baş hakimi təyin edilib. Böyük Britaniyadan olan daha 8 nəfər tanınmış hakim və nüfuzlu vəkil onunla birlikdə çalışacaq, The Times qəzeti bildirib.

Qazaxıstanda məhkəmə "Astana" Beynəlxalq Maliyyə Mərkəzinin iştirakı ilə modernləşdirmə proqramı çərçivəsində yaradılıb. Məqsəd qurumu Mərkəzi Asiyanın aparıcı maliyyə xabına çevirməkdir.

"Bu, Avrasiyada ilk belə məhkəmədir", - lord Vulf bildirib. "Qazaxıstanın Çin və Rusiya ilə sərhəddi var. Çin yeni ipək yolu inşa edir ki, bu da həmin ölkənin ərazisilə keçəcək".

Bütün hakimlər Britaniyadan olacaq və məhkəmədə "Astana" Beynəlxalq Maliyyə Mərkəzinin qanunlarından istifadə edəcəklər ki, bu da ümumi işin mahiyyətinə görə, ümumi ingilis hüququdur. "Bu işdə onların heç bir təcrübəsi yoxdur. Bu, məhkəmənin müstəqilliyinin göstəricisi olacaq. Müstəqillik ölkə Konstitusiyasına düzəlişlərə zəmanət verir", - Vulf bildirib.

Britaniyalı hakimlərin işə cəlb edilməsi onu göstərir ki, prezident Nazarbayev də bu ideyanı dəstəkləyir. O 1991-ci ildən, ölkə müstəqillik qazandığı vaxtlardan islahatların keçirilməsinə təkid edir. "Bütün hakimlər insan hüquqlarının müdafiəsində qətiyyətlidir, halbuki, məhkəmə başqa işlərə baxacaq", - Vulf qeyd edib.

Məhkəmə yanvarda açılıb. İlkin mərhələdə əsas diqqət yerli hakimlərin və vəkillərin hazırlanmasına yönəldiləcək. Bu, birinci səviyyəli məhkəmə və Apellyasiya Məhkəməsi olacaq ki, burada da lord Vulf vaxtaşırı sədrlik edəcək. Həmçinin kiçik iddiaların baxılması proseduru sürətləndiriləcək. Məhkəmədə standart kommersiya və müqavilə mübahisələrinə baxılacaq. Həmçinin yeni Beynəlxalq Arbitraj Mərkəzi yaradılacaq və onun birinci sədri britaniyalı vəkil Barbara Dohman olacaq.

Bu, hazırda Londonda baxılan Avrasiyadan olan mübahisələr üçün nə deməkdir? Vulf deyib ki, hələlik yeni məhkəmədə adətən Londonda baxılan işlərin kiçik bir hissəsinə baxılacaq. O əlavə edib: "Prezident bu Maliyyə Mərkəzini yaratmaqla uzaqgörənlik edib. O istəyir ki, dünya görsün ki, təkcə paytaxtda yox, onun ölkəsində də ümumi ingilis hüququ necə fəaliyyət göstərir".

Hakimlər Qazaxıstana ildə beş dəfə gələcəklər. Onlar xüsusi mərasimdə and içəcəklər və bu and onların Briytaniyada qəbul etdikləri and kimi olacaq. Onlar Qazaxıstanın bayrağının rəngində- mavi, qızılı rəngli mantiyada olacaqlar.

Bu addımdan gələn diplomatik fayda tamamilə aydındır. "Məhkəmə ingilis kommersiya hüququnun yayılmasına və qanunun aliliyinin vacibliyinin tanınmasına xidmət edəcək", - Vulf bildirib. "Bu, Mərkəzi Asiyada sürətlı inkişaf etməkdə olan ölkə ilə Birləşmiş Krallıq arasında əlaqələri möhkəmləndirəcək. Əgər investorlar təhlükəsiz mühitin və qanunun aliliyinə əsaslanan məhkəmənin olduğunu görsələr "Astana" Beynəlxalq Maliyyə Mərkəzinin uğur qazanması üçün şansı çox olacaq.-0-