Bakı/05.02.18/Turan: Fevralın 5-də prezident İlham Əliyev aprelin 11-də növbədənkənar prezident seçkilərinin keçirilməsi barədə sərəncam imzalayıb. O, ölkə Konstitusiyasının 101-ci maddəsinin 1-ci bəndinə və Seçki Məcəlləsinin 170-ci maddəsinə əsaslanıb.
Qeyd edək ki, 2016-cı il sentyabrın 26-da keçirilən referendumda Konstitusiyaya dəyişikliklər edildikdən sonra prezident növbədənkənar seçkiləri şəxsən özü təyin etmək hüququ əldə edib.
Ötən ilin sonlarında səsvermə gününə ən azı 60 gün qalmış növbədənkənar prezident seçkilərinin təyin edilməsi ilə bağlı Seçki Məcəlləsinə dəyişikliklər olunub.
Bundan öncə hakimiyyət növbəti prezident seçkilərinin 2018-ci il oktyabrın 17-də keçiriləcəyini bəyan etmişdi.
Seçkilərin elan edildiyi müddətdən yarım il tez keçirilməsi barədə gözlənilməz qərarın nə ilə əlaqədar olması məlum deyil.-06D--
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz