Qırğızıstan və Azərbaycan birgə inkişaf fondu yaradacaqlar

Bakı/11.10.22/Turan: Oktyabrın 11-də Azərbaycan prezidenti İlham Əliyevin Qırğızıstan Respublikasına dövlət səfəri çərçivəsində Qırğızıstan Respublikası Nazirlər Kabineti və Azərbaycan Respublikası hökuməti arasında Qırğızıstan-Azərbaycan İnkişaf Fondunun yaradılması haqqında saziş imzalanıb.

Azərbaycan-Qırğızıstan İnkişaf Fondu beynəlxalq hüquq qabiliyyətinə  və beynəlxalq müqavilələr bağlamaq hüququna malik beynəlxalq beynəlxalq hüququn subyekti, beynəlxalq təşkilat olacaq.

Fond Qırğızıstan və Azərbaycan arasında iqtisadi əməkdaşlığa, iqtisadiyyatın modernləşdirilməsinə və inkişafına, imkanlardan səmərəli istifadəyə yardım məqsədilə yaradılıb.

Qırğızıstan və Azərbaycan arasında birgə ikitərəfli investisiya fondunun nizamnamə kapitalı 25 milyon ABŞ dollarıdır. Qərargah Bişkekdə yerləşəcək.

Fondun yaradılması investisiya sahəsində əməkdaşlığın aktivləşdirilməsi və genişləndirilməsi üçün təkan olacaq, Qırğızıstan prezidentinin saytında qeyd olunur.

Fond ölkədə qeydiyyatdan keçmiş və fəaliyyət göstərən sahibkarlıq subyektləri ilə münasibətlərdə aqrar-sənaye kompleksi, su təchizatı sektoru, səhiyyə sektoru, avtomobil sənayesi, elm, tədqiqat və texnologiya, qaz sənayesi, geyim və toxuculuq sənayesi, mədənçıxarma və metallurgiya sənayesi və digər sahələrdə kreditlər və borclar vermək, kapitalda iştirak etmək və digər maliyyə alətlərindən istifadə etməklə Qırğızıstanda təsisçilər üçün prioritet layihələrə investisiyalar yatırır.