![Qubad İbadoğlu hakimiyyəti Qarabağ üzrə danışıqların təfsilatını açıqlamağa çağırır](https://turan.az/resized/media/2019/main/012100016298-750-500-resize.webp)
Qubad İbadoğlu hakimiyyəti Qarabağ üzrə danışıqların təfsilatını açıqlamağa çağırır
Bakı/21.01.19/Turan: Azərbaycan Demokratiya və Rifah (ADR) Hərəkat Qarabağ nizamlanması üzrə danışıqlar haqqında bəyanatla çıxış edib.
Yanvarın 16-da Parisdə Azərbaycan və Ermənistan XİN başçılarıın görüşündən sonra ATƏT-in Minsk Qrupunun həmsədrləri tərəflərin hər iki xalqın sülhə hazırlanmasına hazırlıqla bağlı razılıq əldə edilməsi haqqında bəyanatla çıxış ediblər. Bu, Azərbaycan XİN-in görüşün yekunları ilə bağlı məlumatında əksini tapıb.
ADR sülh danışıqlarının tərəfdarıdır, eyni zamanda bu danışıqların qapalı aparılmasına, eləcə də hakimiyyətin xalqla razılaşmadan öhdəliklər götürməsinə etirazını bildirir, deyə bəyanatda qeyd edilir.
Bununla əlaqədar ADR aşağıdakı tələbləri irəli sürüb:
1) Qarabağın taleyi ilə bağlı son danışıqların Azərbaycan ictimai fikrində çaşqınlıq yaradıb, odur ki, hakimiyyət "sülhə hazırlama" prosesinin detallarını gizli saxlamamalı xalqa tam və aydın izahat verməlidir.
2) "Sülh prosesi" (şərti) adı altında aparılan danışıqlardaproblemin həllini nəzərdə tutan plan xalqın müzakirəsinə təqdim edilməlidir.
3) Qarabağ probleminin həlli yalnız ölkəmizin ərazi bütövlüyü və bütün ərazilərində suverenliyinin bərpası çərçivəsində həllini tapmalıdır.
4) Xalqın iradəsindən kənar və konstitusiya hüquqlarının ziddinə olan hər hansı sülh sazişi imzalanmamalıdır.
ADR Hərəkatı ölkənin ərazi bütövlüyünü bərpasına xidmət edən sülh danışıqlarını baş tutmayacağı halda, Azərbaycan hakimiyyətini suverenlik hüququndan istifadə etməyə və Qarabağın işğaldan azad edilməsi istiqamətində hərbi əməliyyatlara başlamağa çağırır.
Xatırladaq ki, ADR 2015-ci ilin fevralında bir qrup müxalif siyasətçi tərəfindən yaradılıb. Təşkilata məşhur iqtisadçı Qubad İbadoğlu rəhbərlik edir. -06D-
-
- İqtisadiyyat
- 21 Yanvar 2019 16:12
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz