Razim Əmiraslanlı
Bakı/12.11.19/Turan: Noyabrın 12-də Müsavat Partiyasının Bakı Şəhər İcra Hakimiyyətinin yaxınlığında keçirdiyi aksiyada saxlanılanların hamısı axşama yaxın buraxılıb. Həmçinin noyabrın 12-də aksiyadan öncə saxlanılanlar buraxılıb. Müsavat Partiyası sədrinin müavini Razim Əmiraslanlının taleyi məlum deyil. O noyabrın 11-də saxlanılıb.
Müsavat Partiyasının aparat rəhbəri Gülağa Aslanlı Turan-a bildirib ki, noyabrın 12-də, o cümlədən aksiya başlamazdan öncə 40-a yaxın adam saxlanılıb. Birbaşa piketdə saxlanılan 19 nəfər Səbayel Rayon Polis İdarəsinə aparılıb. Onlardan əlavə, daha 10 nəfər saxlanılıb.
“Axşama doğru onların hamısını buraxıblar. Yalnız partiya sədrinin müavini Razim Əmiraslanlının taleyi məlum deyil. Onu noyabrın 11-də səhər Binəqədi Rayon Polis İdarəsinin 6-cı bölməsinə çağırıblar. Ancaq nə şöbədə, nə də idarədə Əmiraslanlının taleyinə aydınlıq gətirmirlər. Bu gün biz ombudsman aparatına müraciət etdik. Əmiraslanlının barəsində həbs qərarının olub-olmamasını yoxlamaq üçün sabah məhkəmə orqanlarına müraciət edəcəyik”, - G.Aslanlı bildirib.-06В-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz