David Zalkaliani
Bakı/08.10.21/Turan: Gürcüstanın vasitəçiliyilə Ermənistan və Azərbaycan arasında əməkdaşlıq üçün platforma ATƏT-in Minsk Qrupunun məşğul olduğu nizamlanma məsələlərinin müzakirəsini nəzərdə tutmur. Bu barədə Gürcüstanın xarici işlər naziri David Zalkaliani cümə günü Gürcüstan İctimai Televiziyasına müsahibəsində bildirib.
Onun sözlərinə görə, bundan öncə Bakı və Yerevan arasında əlaqə üçün Tbilisidə meydançanın yaradılması ilə bağlı baş nazir İrakli Qaribaşvilinin irəli sürdüyü təşəbbüs infrastruktur məsələlərinin müzakirəsini nəzərdə tutur.
"Biz ATƏT-in Minsk Qrupu formatında müzakirə olunan məsələlərin müzakirəsini təklif etmirik. Söhbət sırf infrastruktur məsələlərindən, iqtisadi, nəqliyyat layihələrindən, logistikadan gedir", - Zalkaliani deyib. -02D
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz