Açiq mənbələrdən foto.
RF, Azərbaycan və Ermənistan baş nazir müavinlərinin Moskvada keçirilən görüşündə qərar qəbul edilməyib
Bakı/21.10.21/Turan: Oktyabrın 20-də Moskvada RF, Azərbaycan və Ermənistan baş nazir müavinləri üçtərəfli İşçi Qrupun 8-ci iclasının birinci hissəsini keçiriblər, bu barədə Rusiya hökumətinin məlumatında deyilir.
İclasda Aleksey Overçuk, Şahin Mustafayev və Mqer Qriqoryan Cənubi Qafqaz regionunda nəqliyyat kommunikasiyalarının bərpası perspektivlərini nəzərdən keçiriblər və Azərbaycan Respublikasının Prezidenti, Ermənistan Respublikasının baş naziri və Rusiya Federasiyası Prezidentinin 11 yanvar 2021-ci il tarixli Bəyanatı çərçivəsində görüləcək işlərin gedişatını müzakirə ediblər.
Tərəflər yaxın günlərdə bəyanatda qeyd edilən 8-ci iclasın ikinci hissəsini keçirmək barədə razılığa gəliblər. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz