Açiq mənbələrdən foto.
Bakı/28.10.20/Turan: Azərbaycanda sanitar-epidemioloji vəziyyətin kəskin pisləşməsi ilə əlaqədar oktyabrın 27-də noyabrın 8-nə qədər (8-i daxil olmaqla) bütün konsulluq, notariat və dövlət xidmətlərinin göstərilməsi üçün vətəndaşların Rusiyanın Bakıdakı Səfirliyinin konsulluq şöbəsinə buraxılması dayandırılır. Bu barədə səfirliyin saytında yer alan məlumatda bildirilir.
Məhdudiyyətlərin müddəti uzadıla bilər. Konsulluq şöbəsində qəbulların bərpa edilməsi haqqında qərar COVİD-19-un yayılması vəziyyətinin inkişafından asılı olaraq qəbul ediləcək.
Dövlət köçürmə proqramı üzrə qəbul da müvəqqəti olaraq dayandırılır. Konsulluq şöbəsinə qəbulun bərpası haqqında əlavə olaraq elan veriləcək. Elektron növbəyə yazılma müvəqqəti olaraq dayandırılıb, cari qeydlər isə ləğv edilib.
“Əlavə olaraq bildiririk ki, “Samur” sərhəd keçid məntəqəsindən vətəndaşların Rusiyaya gedişi qaydası olduğu kimi qalır”, deyə məlumatda bildirilir.
https://azerbaijan.mid.ru/corvid2.
Bir qədər əvvəl RF-nin Yerevandakı səfirliyi də qeyd edilən səbəblərlə əlaqədar fəaliyyətini dayandırıb. -06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz