Moskva/04.02.20/Turan: Rusiya prezidenti Vladimir Putin Azərbaycanın RF-dəki fövqəladə və səlahiyyətli səfiri Polad Bülbüloğlunu 75 yaşı münasibətilə təbrik edərək, onun iki ölkə arasında səmərəli əməkdaşlığa verdiyi töhfəni qeyd edib.
"Hörmətli Polad Bülbüloğlu, 75 illik yubileyiniz münasibətilə sizi səmimi qəlbdən təbrik edirəm. Siz uzun illərdir ölkələrimiz və xalqlarımız arasında dostluq münasibətlərinin, səmərəli əməkdaşlığın inkişafına böyük töhfə verirsiniz. Əlbəttə ki, Rusiyada bəstəkar, musiqiçi və artist kimi sizin istedadınız yüksək qiymətləndirilir, ilhamlı yaradıcılığınız sevilir", deyə RF prezidentinin saytında yerləşdirilmiş teleqramda bildirilir.
Öz növbəsində, Rusiyanın baş naziri Mixail Mişustin öz teleqramında yazıb: "Özünüzü dövlət xadimi və ictimai xadim kimi göstərdiniz. Dəfələrlə mövqeyinizi müdafiə etmək, ölçülüb-biçilmiş qərarlar qəbul etmək bacarığınızı nümayiş etdirdiniz. Bu gün Azərbaycanın Rusiyada fövqəladə və səlahiyyətli səfiri vəzifəsində ölkələrimiz arasında münasibətlərin möhkəmlənməsinə əhəmiyyətli töhfə verirsiniz", deyə Mişustin qeyd edib.
Xatırladaq ki, bir gün əvvəl Azərbaycan prezidenti Polad Bülbülöğlunu Heydər Əliyev ordeni ilə təltif edib. -02D-
Siyasət
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
Rəy yaz