RF səfiri Mixail Boçarnikov: �Rusiya və Azərbaycan arasında strateji tərəfdaşlıq daha yüksək səviyyəyə qalxır�

Bakı/23.12.18/Turan: "Bakı və Moskva arasında strateji tərəfdaşlıq daha yüksək səviyyəyə qalxır", - Rusiyanın Bakıdakı fövqəladə və səlahiyyətli səfiri Mixail Boçarnikov dekabrın 23-də mətbuat konfransında bildirib.

Azərbaycanda ticarət, xidmət, kənd təsərrüfatı və sənaye sahələrində 720-ə yaxın Rusiya-Azərbaycan birgə müəssisəsi fəaliyyət göstərir. Onların fəaliyyəti Rusiya tərəfindən Azərbaycana maliyyə investisiyalarının yüksək səviyyəsini əks etdirir. Bu rəqəm 4,2 mlrd. dollara çatıb. Əsasən Sumqayıtda SOCAR-ınpolipropilen müəssisəsinin yaradılmasına Rusiyanın Sənaye Bankı investisya qoyub.

Azərbaycan və Rusiyanın xammal deyil, emal olunmuş məhsullarla ticarət etməsi vacibdir. Rusiya qeyri-xammal məhsulları istehsal edən birgə müəssisələrin işini təşviq edəcək, Boçarnikov deyib.

O, Azərbaycanda kənd təsərrüfatı və neft emalı üçün Rusiya maşınqayırma məhsullarının ylğımı üzrə istehsalatın yaradılmasında böyük perspektivlər görür.

Səfir iki ölkə arasında iqtisadi əməkdaşlıq sahəsində hökumətlərarası iqtisadi komissiyanın işini yüksək qiymətləndirib.

Gələn il regionlararası əməkdaşlığın uğurlu inkişafı davam edəcək. Azərbaycan və Rusiyada iki ölkənin Ticarət evləri yaradılır. Üstəlik, onlar regionlarda yaradılır. "Azərbaycanın Rusiyanın 80 regionu ilə əlaqəsi var", - Boçarnikov qeyd edib.

2019-cu ildə iki ölkə arasında hərbi-texniki sahədə əməkdaşlıq inkişaf edəcək. Rusiyanın ali hərbi məktəblərində azərbaycanlı hərbçilər təhsil alır, ildə bir neçə dəfə RF və Azərbaycan Baş Qərargah rəisləri görüşürlər, Azərbaycan ordusunun nümayəndələri Rusiya ərazisində hərbi müsabiqələrdə fəal iştirak edirlər. Gələn il hərbi-dəniz sahəsinə aid müsabiqələrin bir hissəsi Azərbaycanda keçirilə bilər.

Astanada imzalanmış Xəzər dənizinin hüquqi statusu haqqında Konvensiya çərçivəsində Azərbaycan və Rusiya su hövzəsinin bioresurslarının saxlanması, gəmiçiliyin təhlükəsizliyinin təminatı və s. üzrə işləyəcəklər. Rusiya və Azərbaycan Ələt-Həşrətxan limanı dəniz nəqliyyat xəttinin yaradılması üzərində düşünüblər.

Humanitar sahədə də böyük uğurlar və potensial var. Azərbaycanda MDBMİ-nin filialının gələcək formatı məsələsi işlənilir. 2019-cu ildə bu məsələ öz həllini tapacaq. Rusiyanın digər iki universiteti Azərbaycanda filial açmaq üçün müraciət edib. Bununla bağlı danışıqlar olacaq. Rusiya azərbaycanlıların RF ali məktəblərində təhsil alması üçün kvotanın ayrılmasını davam etdirir. Bu il bu proqram üzrə Rusiyada 205 azərbaycanlı təhsil alıb, ümumilikdə isə Rusiyada 11 mindn çox Azərbaycan vətənsaşı təhsil alır.

Azərbaycanda rusiyalı turstlərin sayının artmasına toxunan səfir Həştərxandan Bakıya Xəzər dəniz turizmi layihəsinin inkişaf etdiyini xatırladıb.

Azərbaycanda Rusiya, Rusiyada isə Azərbaycan Mədəniyyət günləri uğurla keçirilib. Bu praktika davam etdiriləcək.

O, azərbaycanlı kinematoqrafçılarla söhbət edib. Onlar Rusiya ilə əməkdaşlığın faydalı olduğunu bildiriblər. Boçarnikov azərbaycanlıların Rusiyanın kino xadimləri hazırlayan ali məktəblərində təhsil almasını faydalı hesab edir.

O, Qarabağ münaqişəsinin dinc yolla nizamlanması ilə bağlı Azərbaycan və Ermənistan arasında yüksək səviyyədə, həmçinin XİN rəhbərləri arasında uğurlu görüşlərə əsaslanaraq "ehtiyatlı nikbinlik" nümayiş etdirib. Rusiya ATƏT-in Minsk Qrupunun üzvü kimi belə əlaqələrə yardım göstərəcək. Yanvarda Azərbaycan və Ermənistan XİN rəhbərlərinin növbəti görüşü planlaşdırılır, RF səfiri Bakıda mətbuat konfransında bildirib.0-