Bakı/01.08.19/Turan: Moskva Ermənistan və Azərbaycan sərhədində vəziyyətin gərginləşməsindən narahatdır, ölkələri təmkinli olmağa çağırır, bu barədə avqustun 1-də Moskvada keçirilən briifinqdə RF XİN-in rəsmi nümayəndəsi Mariya Zaxarova bildirib.
Azərbaycan və Ermənistan nümayəndələri ötən həftə sonu sərhəddə baş verən atışmalarda bir-birini ittiham edib, Yerevan həmçinin erməni hərbiçisinin həlak olduğunu bildirib.
"Biz həqiqətən Ermənistan-Azərbaycan sərhədində Ermənistan hərbi qulluqçusunun həlak olması, hər iki tərəfdən yaralıların olması ilə nəticələnən gərdinlikdən narahatıq", deyə RİA-Novosti Zaxarovadan sitat gətirir.
Onun sözlərinə görə, gərginliyin artması atəşkəs rejiminə riayət olunması haqqında bu yaxınlarda əldə edilmiş razılaşmalara və siyasi vasitələrlə nizamlanmaya nail olmaq niyyəti haqqında bəyanatlara ziddir.
"Biz gərginliyin davam etməsinin yolverilməz olduğunu düşünürük, qarşıdurma iştirakçılarını təmkinlilik nümayiş etdirməyə, güc tətbiqindən imtina etməyə, vəziyyətin sabitləşməsinə yönəlmiş tədbirlər görməyə çağırırıq", deyə Zaxarova əlavə edib. -02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz