Bakı/01.08.19/Turan: Avqustun 1-də Azərbaycan Kinematoqrafçılar İttifaqının (AKİ) üzvləri yeni Kino Evində Milli Kino Gününü qeyd ediblər.
Yubilyarlar - quruluşçu-operator, rejissor Oqtay Əlizadə, yazıçı-dramaturq Əmir Pəhləvan və kinorəssam Elfira Hüseynova təbrik edilib.
Tədbir çərçivəsində illik kino mükafatları təqdim edilib. Bu il mükafata layiq görülənlər:
- kinorejissor Murad İbrahimbəyov - "İnsan" sənədli trilogiyasına görə;
- aktrisa Zülfiyyə Qurbanova - "Mövsümün sonu" filmində baş rolu psixoloji incəliklə ifa etdiyinə görə;
- kinorejissor Cahangir Zeynallı - milli kinematoqraf qarşısında xidmətlərinə görə;
- aktrisa Şükufə Yusupova - peşə ideallarına sadiqliyinə görə.
Avqustun 2-də Azərbaycan Kinematoqrafçılar İttifaqının rəsmi www.aki.az saytı işə salınacaq.
Portalda aşağıdakı bölmələr - "Təşkilat haqqında", "Fəaliyyət", "Xəbərlər", "Qalereya", "Əlaqə vasitələri", habelə 10-a yaxın alt bölmə var. Sayt Azərbaycan, rus və ingilis dillərində fəaliyyət göstərir.
AKİ kino sənəti xadimlərini birləşdirən ictimai təşkilatdır. O, 11 yanvar 1963-cü il tarixində Kino İşçilərinin I Təsis Qurultayında yaradılıb. -02D-
Mədəniyyət
-
Azərbaycanda kitabların qiyməti geniş diapazonda dəyişir və adətən 5-25 AZN ($3-$15) arasında olur. Bununla belə, artan yaşayış xərcləri səbəbindən bir çox kitabsevərlər sevdikləri əsərləri əldə etməkdə çətinlik çəkirlər. Nəticədə, ikinci əl kitablar, elektron kitablar və ya xarici ölkələrdən onlayn sifarişlər daha sərfəli alternativlər kimi populyarlaşır.
-
İncəsənət və ekologiyanın birləşdiyi COP29 yaşıl zonasının mərkəzində Azərbaycan cəsarətli bəyanatla çıxış edib. Dünya səslərinin hay-küyü arasında ART Pavilion mədəniyyətin, yaradıcılıq və davamlılığın kəsişməsinə bariz sübutdur. Onun mərkəzində azərbaycanlı rəssam Aida Mahmudova özünün təəssüratoyadıcı Beyond Functionality adlı sərgisini təqdim edib.
-
Mexikoda keçirilən möhtəşəm mərasimdə Danimarkanın kiçik Dunstal şəhərindən olan 21 yaşlı Victoria Kjær Teilvig “Miss Universe” yarışmasının qalibi elan olundu. Bu, Danimarkadan olan iştirakçının bu mötəbər titulu qazandığı ilk haldır.
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
Rəy yaz