RF XİN-in Ermənistan-Azərbaycan sərhədlərinin demarkasiyası üzrə komissiya haqqında şərhi

Bakı/19.05.22/Turan: Moskva ardıcıl olaraq Rusiyanın məsləhət yardımı ilə Ermənistan-Azərbaycan sərhədinin delimitasiyası və demarkasiyası üzrə ikitərəfli Komissiya yaradılmasının tərəfdarı kimi çıxış edir. Bu barədə Moskvada keçirilən ənənəvi brifinqdə RF XİN-in mətbuat katibi Mariya Zaxarova bildirib.

Komissiyanın işə başlaması ilə eyni zamanda iki ölkə sərhədində sabitlik və təhlükəsizlik səviyyəsinin artırılması üzrə addımlar atılmalıdır. Bu məsələ Düşənbədə XİN başçılarının üçtərəfli görüşündə müzakirə olunub, deyə o əlavə edib.

"Tərəfdaşlar milli nümayəndə heyətlərinin formalaşdırılması prosesini yekunlaşdırmaq üzrə olduqları barədə məlumat veriblər. Rusiya artıq öz ekspert komandasını formalaşdırıb. Yaxın günlərdə Ermənistan-Azərbaycan sərhədinin delimitasiyası üzrə təcrübi işə başlamağın mümkün olacağına ümid edirik", deyə o bildirib. -02D-