Açiq mənbələrdən foto.
Bakı/10.05.23/Turan: Çərşənbə günü Yerevanda baş nazir Nikol Paşinyanın ATƏT-in Minsk Qrupunun rusiyalı həmsədri, Rusiya xarici işlər nazirinin xüsusi nümayəndəsi İqor Xovayevlə görüşü keçirilib.
Ermənistan KİV-lərinin yaydığı məlumata görə, Qarabağ nizamlanması, "Laçın dəhlizinin qanunsuz mühasirəsi ilə əlaqədar Qarabağda yaranmış humanitar böhran", nəqliyyat infrastrukturlarının açılması ətrafında vəziyyət müzakirə olunub. Paşinyan Ermənistan tərəfin bu mühüm məsələlərlə bağlı yanaşmalarını təqdim edib, deyə məlumatda qeyd edilir.
Göründüyü qədər, Xovayevin səfəri mayın 14-də Brüsseldə keçiriləcək Əliyev-Paşinyan-Mişel görüşündən əvvəl araşdırma xarakteri daşıyır.
Məlum olduğu kimi, həmin görüşdən sonra, mayın 19-da Moskvada Azərbaycan və Ermənistan XİN başçılarının görüşü, daha sonra isə Əliyev-Paşinyan-Putin üçtərəfli görüşü keçiriləcək. Brüsseldə də, Moskvada da Azərbaycan və Ermənistan arasında sülh sazişinin mətni müzakirə olunacaq. 02B
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz