Ruben Vardanyan Qarabağı xilas etmək qərarına gəlib
Bakı/02.09.22/Turan: Sentyabrın 1-də YouTube-da Rusiyalı-erməni sahibkar Ruben Vardanyanın videomüraciəti yayılıb. O, Qarabağa köçəcəyini və Rusiya vətəndaşlığından imtina etdiyini bildirib.
"Etdiyim riskləri başa düşərək, Rusiya vətəndaşlığından imtina etmək və Ermənistan vətəndaşı olaraq Arsaxa köçmək qərarına gəldim. Hesab edirəm ki, 2020-ci il müharibəsindən sonra bütün dünya erməniləri arsaxlıların yanında olmalıdır", deyə o qeyd edib.
Qarabağdakı mənbələrin məlumatına görə, Vardanyan Artak Beqlaryanın yerinə "dövlət naziri" vəzifəsini tutacaq.
Vardanyanın videomüraciətindən belə bir nəticə çıxarmaq olar ki, o, Rusiyanın Qarabağ üzərində protektoratı ideyasını həyata keçirməyə çalışacaq.
Vardanyanın Qarabağa getməsinin uzunmüddətli məqsədinin "prezident" vəzifəsində Araik Arutyunyanı əvəz etmək ola biləcəyi istisna deyil.
Rəsmi Bakı hələlik Vardanyanın bu addımına reaksiya verməyib. Bundan əvvəl Qarabağın giriş-çıxışına nəzarət edən rus sülhməramlılar bir neçə dəfə Bakını həddindən artıq qəzəbləndirən şəxslərin girişinə icazə verməyib.
* Ruben Vardanyan (1968) "Troyka Dialoq" investisiya şirkətinin keçmiş sahibi, "Skolkovo" biznes məktəbinin təsisçisidir. 2021-ci ildə Forbes jurnalı ilk dəfə onun var-dövlətini 1 milyard dollar olaraq qiymətləndirib. Vardanyan Rusiyadakı aktivlərini ailə fonduna keçirəcəyini bildirib.
2019-cu ilin martında OCCRP "Troyka Dialoq" ofşor şirkətləri sistemi haqqında araşdırma nəticələrini dərc edib. Bu şirkətlər vasitəsilə Rusiyanın ən nüfuzlu insanlarına, məsələn, Vladimir Putinin dostu Sergey Rolduqinə gizlicə pul köçürülürdü.
2006-2013-cü illərdə bu şirkətlərin hesablarından 4,5 milyard dollardan çox vəsait keçib. Bundan sonra Avropa Parlamentinin deputatları Ruben Vardanyana qarşı sanksiya tətbiq edilməsini tələb ediblər. 02D
-
- Maliyyə
- 2 Sentyabr 2022 14:16
Siyasət
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
-
Azərbaycan və İndoneziya arasında diplomatik pasport sahiblərinin vizasız səfərləri barədə razılıq əldə edilib. Müvafiq hökumətlərarası sazişi sentyabrın 27-də Nyu-Yorkda Birləşmiş Millətlər Təşkilatı Baş Assambleyasının 79-cu sessiyası çərçivəsində keçirilən görüşdə Azərbaycan və İndoneziyanın xarici işlər nazirləri Ceyhun Bayramov ilə Retno Marsudi imzalayıblar.
Rəy yaz