Bakı/15.01.20/Turan: İran prezidenti silahlı qüvvələri vurulmuş Ukrayna təyyarəsinə görə günahın gec etiraf edildiyi üçün üzr istəməyə çağırıb. Ruhaninin çıxışı dövlət televiziyası ilə yayımlanıb.
Prezidentin sözlərinə görə, hakimiyyət öz vətəndaşlarına hörmətlə yanaşmalı və etimad göstərməlidir. Laynerin qəzaya uğramasına görə məsuliyyət daşıyanlar faciəyə nəyin səbəb olduğunu açıqlamalıdırlar. O, aviaqəzadan sonrakı etirazlar fonunda iranlıları milli birliyə çağırıb.
Yanvarın 8-də Tehrandan Kiyevə uçan Ukraynanın Beynəlxalq Hava Yollarına məxsus “Boeing” təyyarəsi qalxdıqdan bir qədər sonra qəzaya uğrayıb. Təyyarədə 176 nəfər olub, onların əksəriyyəti İran və Kanada vətəndaşıdır. Hamısı həlak olub.
Öncə İran hakimiyyəti bildirirdi ki, qəzanın səbəbi texniki nasazlıqdır. Sonradan Tehran etiraf etdi ki, təyyarə “yer-hava” raketi ilə vurulub. Buna görə məsuliyyəti İslam İnqilabı Keşikçiləri Korpusu öz üzərinə götürüb.
Son məlumatlara görə, təyyarə bir yox, iki raket ilə vurulub.-02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz