Rusiya konsulun həbs olunmuş jurnalistə baş çəkməsinə icazə verməkdən imtina etməkdə davam edir

Rusiya hökuməti hələ də ABŞ rəsmilərinin 100 gün əvvəl Kazanda həbs edilmiş amerikalı-rusiyalı jurnalist Alsu Kurmaşevaya baş çəkilməsi haqqında xahişini təmin etməyib, bu barədə çərşənbə günü ABŞ Dövlət Departamenti məlumat yayıb.

"Biz əvvəlki kimi onun ilkin həbs müddətinin uzadılmasından həddindən artıq narahatıq. Onunla görüş istəyimizə dekabrın 20-də etiraz cavabı verilib. ABŞ-ın Moskvadakı səfirliyi konsulun müvafiq çıxış əldə etməsinə nail olmağa çalışır", deyə mətbuat katibinin müavini Vedant Patel brifinqdə Turan-ın sualına cavabda bildirib.

Kumaşeva oktyabrın 18-də yaşlı, xəstə anasına baş çəkmək üçün getdiyi Kazanda saxlanılıb. İki ay sonra ona qarşı Rusiya ordusu haqqında yalan məlumat yaymaq ittihamı irəli sürülüb.

ABŞ-ın xaricdəki Amerika vətəndaşlarının təhlükəsizliyindən "daha böyük prioriteti yoxdur". "Ədalətsiz olaraq həbsdə keçirilən bir gün belə faciədir", deyə öz növbəsində Azadlıq Radiosu-nun prezidenti səlahiyyələrini icra edən Stiven Kapus bildirib. "ABŞ vətəndaşının 100 gündür qanunsuz olaraq Rusiya həbsxanasında saxlanılması biabırçılıqdır", deyə o qeyd edib.