Фото: Айрат Гибатдинов | Скриншот
Bakı/10.11.20/Turan: IL-76 hərbi nəqliyyatçıları Ulyanovskda aerodromdan yola düşüblər. Rusiya sülhməramlı kontingentinin əsasını mərkəzi hərbi dairənin 15-ci əlahiddə motoatıcı briqadasının bölmələri təşkil edəcək, RBK bildirir.
Rusiya Dağlıq Qarabağa sülhməramlı kontingent göndərib. Bu barədə Müdafiə Nazirliyindən məlumat verilib, TASS bildirir.
“Dağlıq Qarabağ münaqişəsi zonasında atəşkəs və hərbi əməliyyatlara nəzarət üçün Rusiya Federasiyasının 1 960 hərbi qulluqçusu, 90 zirehli transportyor, 380 avtomobil və xüsusi texnikadan ibarət sülhməramlı kontingenti yerləşdirilir”,- Müdafiə Nazirliyindən bildiriblər.
Qeyd olunub ki, sülhməramlılar mübahisəli regiona Ulyanovsk aerodromundan IL-76 hərbi-nəqliyyat aviasiyası təyyarələri ilə yollanıblar. Əsas kontingent mərkəzi hərbi dairənin 15-ci əlahiddə motoatıcı briqadasının bölmələrindən ibarət olacaq.
Rusiyalı sülhməramlıların daxil olması noyabrın 9-da axşam Azərbaycan prezidenti İlham Əliyev, Ermənistanın baş naziri Nikol Paşinyan və Rusiya prezidenti Vladimir Putin tərəfindən imzalanmış Dağlıq Qarabağda hərbi əməliyyatların dayandırılmasına dair üçtərəfli sazişin şərtlərindən biridir.
Adıçəkilən kontingentdən başqa, mübahisəli regionda atəşkəs rejiminə əməl olunmasına nəzarət mərkəzi yaradılacaq. Laçın dəhlizinə Rusiya hərbçiləri də nəzarət edəcəklər.
Eyni zamanda Əliyev bəyan edib ki, Dağlıq Qarabağda Rusiya və Türkiyənin birgə sülhməramlı kontingenti yerləşdiriləcək. "Rusiya və Türkiyənin birgə sülhməramlı missiyası olacaq. Bu, yeni formatdır",- o, noyabrın 10-da Putinlə danışıqlar zamanı bildirib.
Bununla yanaşı, üçtərəfli sazişin rəsmi mətnində mübahisəli regionda Türkiyə hərbçilərinin iştirakına dair bənd yoxdur.
Ulyanovsk vilayəti Qanunvericilik Məclisinin vitse-spikeri Ayrat Gibatdinov bildirib ki, Rusiyadan Dağlıq Qarabağa Rusiya Silahlı Qüvvələrinin 31-ci desant-hücum briqadası göndərilir.
31-ci briqada ikinci Çeçen müharibəsində, habelə 2008-ci ildə Rusiya-Gürcüstan müharibəsində iştirak edib.0—
Siyasət
-
Fevralın 4-də vəkil Zibeydə Sadıqova 1saylı Bakı İstintaq Təcridxanasında “Meydan” TV” işi üzrə həbs olunmuş müxbir Natiq Cavadlı ilə görüşüb.
-
Çərşənbə axşamı ABŞ prezidenti Donald Tramp ilk beynəlxalq qonağını - İsrailin baş naziri Binyamin Netanyahunu Ağ Evdə qarşılayıb.
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
Rəy yaz