John Kirby
Rusiya qoşunları Ukraynada kimyəvi silah tətbiq edə bilər
Vaşinqton/12.04.22/Turan: Bazar ertəsi Pentaqon bildirib ki, Rusiya qoşunlarının Mariupolda kimyəvi silah yerləşdirməsilə bağlı sosial şəbəkələrdə yayılan xəbərləri “diqqətlə izləyir”, Turan-ın Vaşinqtondakı müxbiri məlumat verib.
“Rusiya qoşunlarının Mariupolda potensial kimyəvi silah yerləşdirməsilə bağlı xəbərlər haqda bilirik”, - Pentaqonun mətbuat katibi Con Kirbi jurnalistlərə deyib.
"Hələlik biz bunu təsdiqləyə bilmərik və vəziyyəti diqqətlə izləməyə davam edəcəyik", - o əlavə edib.
Kimyəvi silahın tətbiqilə bağlı Moskvanın uzun tarixi var və Ağ Ev xəbərdarlıq edib ki, Rusiya qoşunları “Ukraynada kimyəvi və ya bioloji silahlardan istifadə etməyə” hazırlaşa bilər.
Səhər tezdən Pentaqonun yüksək vəzifəli məmuru Rusiyanın Donbas ərazisində və Ukraynanın şərqində əlavə hissə və silah cəmləşdirdiyini jurnalistlərə təsdiqləyib.
Pentaqonun məlumatına görə, hazırda Rusiya texnikasının kolonları İzyuma doğru gedir və şəhərin şimalında yerləşir.
Müdafiə Nazirliyi hələlik bunu yeni hücumun başlanğıcı kimi qiymətləndirmir, çünki Donbas ərazisində döyüşlər səkkiz ildir ki, gedir, məmur deyib. Bu fonda ABŞ Ukraynaya lazımi yardımı davam etdirir.
"Rusların şərqdə prioritetlərinin dəyişməsi ABŞ və digər ölkələrdən təhlükəsizlik sahəsində böyük həcmdə yardımın çatdırılmasını koordinasiya etmək qabiliyyətimizə təsir etməyib", -Kirbi deyib. -25B-
-
- İqtisadiyyat
- 12 Aprel 2022 10:56
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz