Açiq mənbələrdən foto.
Bakı/11.10.21/Turan: Rusiya kontingentinin rəhbərliyi oktyabrın 9-da Madagiz kənd sakininin tərəflərin təmas xətti yaxınlığında kənd təsərrüfatı işləri həyata keçirərkən Azərbaycan tərəfdən açılan atəş nəticəsində ölümcül yaralanması hadisəsini tədqiq edir. Bu barədə Qarabağdakı Rusiya sülhməramlılarının informasiya bülletenində deyilir. Araşdırmaya hər iki tərəfin nümayəndələri cəlb edilib, deyə məlumatda bildirilir.
Bir müddət əvvəl Azərbaycan Müdafiə Nazirliyi bu hadisə ilə heç bir əlaqəsi olmadığını bəyan edib.
Qeyd edək ki, Suqovuşan (Madagiz) kəndi bir ildir Azərbaycan Silahlı Qüvvələrinin nəzarəti altındadır və orada erməni yoxdur. -02D-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz