Ilham Aliyev and Vladimir Putin.
Vaşinqton/30.06.22/Turan: Yaxın günlərdə RF hökumət başçısının və Dövlət Dumasının spikerinin Azərbaycana səfəri baş tutacaq. Bu barədə Rusiya prezidenti Vladimir Putin iyunun 29-da Aşqabadda Azərbaycan prezidenti İlham Əliyevlə görüşdə bildirib.
İki ölkə arasında ticarət dövriyyəsi daim artır, siyasi əlaqələr möhkəmlənir.
"Hökumət sədrinin və Dövlət Duması sədrinin səfərləri hazırlanır. Amma ən əsası bizim planlarımızın, daha dəqiq desək, 2024-cü ilə qədər Rusiya-Azərbaycan birgə əməkdaşlıq planının həyata keçirilməsidir.
Əlbəttə, regional təhlükəsizlik məsələləri, o cümlədən və ilk növbədə Qarabağ nizamlanması ilə bağlı məsələlər var. Biz bu barədə sizinlə danışmışıq və indi bu mövzuda bir daha danışmaq imkanımız olacaq", deyə Putin bildirib.
Öz növbəsində, İlham Əliyev görüşün iki ölkə arasında dostluq, yaxşı qonşuluq münasibətlərinin inkişafına şərait yaradacağından əminliyini ifadə edib.
"Bu gün regional məsələlər və regional münaqişələrin həlli haqqında danışmaq imkanımız olacaq".
"Əminik ki, Rusiya-Azəbaycan münasibətləri ölkələrimizin və xalqımızın rifahı naminə uğurla inkişaf edəcək", deyə o qeyd edib. 02D
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz