Açiq mənbələrdən foto.
Rusiyanın Polşaya raket zərbəsindən sonra ABŞ və müttəfiqləri yüksək hazırlıq vəziyyətindədir
Vaşinqton/16.11.22/Turan: Çərşənbə axşamı Rusiyanın Polşaya raket zərbəsi nəticəsində iki nəfərin həlak olmasından sonra ABŞ və müttəfiqləri yüksək hazırlıq vəziyyətindədir.
Polşanın insident barədə məlumatından sonra prezident Co Bayden Balidə G20 sammiti çərçivəsində G7 və NATO üzrə müttəfiqlərlə təcili görüş keçirib.
"Biz insidentin araşdırılmasında Polşaya tam dəstək və yardım göstərəcəyik, növbəti addımları müəyyən etmək üçün sıx əlaqə saxlayacağıq", - “NATO və G7 liderlərinin çərşənbə axşamı Rusiyanın Ukrayna şəhərlərinə və mülki infrastruktura "barbarcasına raket zərbələri"ni pisləyən birgə bəyanatında deyilir.
“Biz Rusiyanın təcavüzü qarşısında Ukraynaya və onun xalqına sarsılmaz dəstəyimizi və Ukraynanın yaşayış məntəqələrinə hücumlarına görə Rusiyanın məsuliyyətə cəlb edilməsi üçün dəyişməz mövqeyimizi bir daha təsdiqləyirik”, - bəyanatda deyilir:
Prezident Bayden Polşa prezidenti Duda və NATO-nun baş katibi Yens Stoltenberqlə danışdıqdan sonra jurnalistlərin qarşısında çıxışı zamanı Rusiya haqqında deyib ki, “onların etdikləri tamamilə vicdansızlıqdır”.
“Polşa NATO Nizamnaməsinin 4-cü və ya 5-ci maddəsinin tətbiqindən danışırmı?” sualının cavabında Bayden deyib ki, bu mövzu “səfirlərin görüşündə” müzakirə olunacaq.
Öz növbəsində, müdafiə naziri Lloyd Austin Polşanın milli müdafiə naziri Mariuş Blaşak ilə söhbətində onu əmin edib ki, ABŞ Polşanın müdafiəsinə qətiyyətlə sadiqdir və Pentaqon insidentin araşdırılmasında Polşaya kömək etməyə hazırdır.
“Əgər Rusiya səhvə yol veribsə, bunu dərhal etiraf etməlidir. İnkar qəbuledilməzdir”, - ABŞ Konqresinin Xarici Əlaqələr Komitəsinin sədri Qreqori Miksin bəyanatında deyilir.
Dövlət Departamentinin nümayəndəsi Vedant Patel brifinqdə deyib ki, Ukraynaya raket zərbələri prezident Zelenskinin G20-dəki çıxışından sonra baş verib. “Biz Rusiyanın amansız hücumu qarşısında Ukrayna hökumətinə və xalqına dəstəyimizi davam etdirəcəyik”, - o deyib.
Çərşənbə axşamı Bayden administrasiyası Konqresə yeni əlavə sorğu çərçivəsində Ukraynaya daha 37,7 milyard dollarlıq yardım istəyib. Daha 7 milyard dollar isə Ukrayna silah və hərbi sursata ayrılacaq. 0
Siyasət
-
Bazar ertəsi Bakı Ağır Cinayətlər Məhkəməsi "Müsəlman Birliyi" Hərəkatının üzvü Həsən Abbaszadəni üç il müddətinə azadlıqdan məhrum edib.
-
Oktyabrın 28-də prezidenti İlham Əliyev Pakistan İslam Respublikası Birləşmiş Qərargah Rəisləri Komitəsinin sədri general Sahir Şamşad Mirzanı qəbul edib.
-
Oktyabrın 28-də Bakıda “Enerji təhlükəsizliyi və iqlim dəyişikliyi üzrə Azərbaycan-NATO əməkdaşlığı” mövzusunda “dəyirmi masa“ keçirilib.
-
Azərbaycan Prezidenti İlham Əliyev Çex Respublikasının Milli Bayramı münasibətilə Çexiya Prezidenti Petr Pavelə təbrik məktubu göndərib. Məktubda Prezident Əliyev öz adından və Azərbaycan xalqı adından səmimi arzularını çatdıraraq Çexiya liderinə və xalqa ən xoş təbriklərini və arzularını ifadə edib.
Rəy yaz