Bakı /11.09.19/Turan: Sentyabrın 11-də Yasamal Rayon Məhkəməsi Ruslan Əmirliyə 30 sutka inzibati həbs cəzası verib. O, İnzibati Xətalar Məcəlləsinin 510 (xırda xuliqanlıq) və 535.1 (polisə tabe olmamaq) maddələri ilə təqsirli bilinib. Bu barədə Turan-a AXCP-dən fəalın vəkilinə istinadən bildiriblər.
Polisin məlumatına görə, "Əmirli küçədə ünvansız söyüş söyüb, polis əməkdaşları ona irad tutarkən tabe olmayıb".
Əmirli ittihamları rədd edərək bildirib ki, bacısının müalicə olunduğu Milli Onkologiya Mərkəzinin binasından çıxarkən onu mülki geyimli şəxslər saxlayıblar.
Müdafiə tərəfi saxlanma yerində videomüşahidə kamerasındakı qeydlərə baxılması və şahidlərin çağırılması barədə vəsatət qaldırıb. Lakin məhkəmə vəsatəti təmin etməyib. Müdafiə tərəfi apellyasiya verəcək.
AXCP fəalları məhkəmə zalına buraxılmayıb. Polis qüvvələri onları məhkəmə binasının yanında sıxışdırıblar. AXCP fəalı Təzəxan Mirələmlini bərk itələyiblər, o yıxılaraq xəsarət alıb.-21C06
* * *
2019 Sentyabr 11 (Çərşənbə) 13:07:48
Əli Kərimlinin mühafizəçisi polis tərəfindən oğurlanıb
Bakı/11.09.19/Turan: Sentyabrın 10-da Milli Onkologiya Mərkəzinin qarşısından oğurlanan Azərbaycan Xalq Cəbhəsi Partiyasının üzvü Ruslan Əmirli Yasamal Rayon Polis İdarəsinin 29-cu bölməsinə aparılıb.
AXCP-dən Turan-a bildiriblər ki, onu bütün gecə orada saxlayıblar və saxlanmanın səbəblərini yaxınlarına açıqlamayıblar.
Sentyabrın 11-də səhər R.Əmirlini Yasamal məhkəməsinə aparıblar. Hadisə yerinə gedən AXCP fəalları məhkəmə binasına buraxılmayıb. Polis dəstələri onları bir neçə metr kənara sıxışdırıb.
2019-cu ildə 80-dən çox AXCP fəalı repressiyaya məruz qalıb. Onların əksəriyyəti polisə müqavimət və xuliqanlıq ittihamı ilə inzibati cəza alıb.
AXCP rəhbərliyi bunu "hakimiyyətin AXCP-nin nüfuzunun və populyarlığının artmasına yol verməmək üçün ölkənin aparıcı müxalifət partiyasına qarşı məqsədyönlü repressiyası kimi qiymətləndirir". -05С06-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz